दुईवटा यात्रुबहाक बस एकआपसमा ठोक्किँदा १ जनाको मृत्यु, ३० जना घाइते

तनहुँमा दुई यात्रुबहाक बस एकआपसमा ठोकिदा एक चालकको मृत्यु भएको छ भने ३० जना यात्रु घाइते भएका छन् । तनहुँको बन्दिपुर गाउँपालिकामा-५ नयाँ पुल गोरेचौतारामा दुई यात्रुबाहक बस ठोक्किएका हुन् । गण्डकी जिएए ००७० नम्बरको बस र भे १ ख ३४८७ नम्बरको बस आपसमा ठोक्किएको जिल्ला प्रहरी कार्यालय तनहुँका डीएसपी अशोक थापाले जानकारी दिए ।

थापाका अनुसार जिएए ००७० नम्बरको बसका चालक तनहुँकै ऋषिङ पाटन घरभएका ३९ वर्षीय रामबहादुर परियारको मृत्यु भएको छ । दुर्घटना दुई बसका गरि ३० जना घाइते भएका छन् । घाइतेहरुको मोती र लक्ष्मी अस्पताल डुम्रेमा उपचार भइरहेको छ । नाम थर नखुलेका एक जना गम्भीर घाइतेलाई भने उपचारका लागि चितवन मेडिकल कलेज पठाइएको थापाले जानकारी दिए ।
घाइतेहरुको परिचय खुलेको र थप अपडेट आउन बाँकि रहेको प्रहरीले जनाएको छ ।