झापाकाे निन्दा खोलामा सालनालसहितको नवजात शिशु (छोरी) छोडेर आमा बेपत्ता

झापाको मेचीनगर नगरपालिका – १० स्थित निन्दा खोला नजिकै घाँरीमा सालनाल सहितको नवजात शिशु (छोरी) जिवितै भेटिएको छ ।

जिल्ला प्रहरी कार्यालय झापाका डीएसपी तथा प्रहरी प्रवक्ता कृष्ण कुमार चन्दका अनुसार बिहिबार बिहान ६ः३० बजेको समयमा कमिलाले टोकी रहेको अवस्थामा मेचीनगर – ११ बस्ने ३७ बर्षकी इन्दिरा प्रसाई(बस्नेत) ले फेला पारेकी थिइन । उनले मर्निङ्ग वाक गर्ने क्रममा नवजात शिशु फेला पारेकी हुन ।
प्रसाईले तत्काल शिशुलाई इलाका प्रहरी कार्यालय धुलाबारीमा ल्याई प्रहरीको जिम्मा लगाएकी थिईन ।

शिशुको अवस्था सामान्य रहेको र मेचीनगर नगरपालिका वडा नं १० कार्यालयसँग समन्वय गरी वडा कार्यालयलाई जिम्मा बुझाइएको प्रवक्ता चन्दले बताए । नवजात शिशु फाल्ने आमाको खोजीकार्य तीव्र पारीएको प्रहरीले जनाएको छ । घटनाबारे अपडेट आउँन बाँकि छ ।