जाजरकोटमा चट्याङ लागेर एक महिलाको मृत्यु

जाजरकोट भेरी नगरपालिका – २ पोखरा बस्ने ५५ वर्षिय कोसिला कामिको चट्याङ लागेर मृत्यु भएको छ । आज साँझ ५: ४० बजेको समयमा परेको चट्याङले घाइते भएकी कामिको जिल्ला अस्पताल जाजरकोटमा उपचारको क्रममा मृत्यु भएको हो ।

जिल्ला प्रहरी कार्यालय जाजरकोटका अनुसार घटनाको खबर पश्चात प्रहरी बरिष्ट हवलदार गेद बहादुर चन्दको कमाण्डमा चार जनाको टोलि खटिएर घाइते कोसिलालाई अस्पताल लगिएको थियो । तर उपचारका क्रममा ८:०० बजेको समयमा उनको मृत्यु भएको छ ।
कामीको घर नजिकै चट्याङ परेकाले एउटा भेडा समेत मरेको छ ।