आमासँगै गोठाला गई घरमा फर्केकी चौकुने गाउँपालिका वडा न ८ सुर्खेतकी अमृता बि क ८ दिनदेखि वेपत्ता

दिलिप कडेल, चौकुने सुर्खेत । आमा सँगसँगै गोठाला गई दिउँसो ४ बजेतिर घर जान्छु भनेर जंगलबाट घरतिर हिडेकी अमृता ८ दिनदेखि वेपत्ता भएकी छन् । सुर्खेत पश्चिमको चौकुने गाउँपालिका –८ किथौरे की अमृता बि क भदौ २० गतेबाट वेपत्ता भएकी हुन् ।

८ वर्षीय अमृता आामा सँगै बाख्रा चराउन गएकी र अामाले जंगलबाट घरमा पठाएको तर अहिलेसम्म घर नफर्किएको वडा न . ८ का स्थानीय समाजसेवी तथा बुद्धिजीवी बिष्णु सापकोटाले जानकारी दिनुभयो। उहाँका अनुसार हराएको दिनदेखि नै खोजी कार्य जारी राखेपनि हालसम्म उनी कतै भेटिएकी छैनन् । आफन्तहरुले अमृताको खोजीका लागि प्रहरीचौकी गुटुमा निवदेन दिएका छन् ।

आफन्तले प्रहरीमा दिएको निवेदन अनुसार भदौ २० गते दिउँसो ४ बजे जंगलबाट घरतिर पठाएको र घर नफर्कीएको उल्लेख गरेका छन् । प्रहरी र आफन्तहरुले उनको अवस्थाबारे खोजी जारी राखेपनि अमृताको अवस्थाबारे पत्ता लाग्न नसकेको परिवारफ श्रोतले जनाएको छ । आफन्तहरुले अमृतालाई कहि कतै देख्नु वा भेट्नु भयो भने नजिकैको प्रहरी कार्यलय वा मोबाइल नम्बर ९८४८१५६९३५ मा सम्पर्क गरिदिनुहुन अनुरोध गरेका छन् ।