कलाकार भिसामा युरोप पठाउँछु भनी ठगी गरेको आरोपमा हास्य कलाकार ‘ईकु’ पक्राउ

कलाकार भिसामा युरोप पठाउँछु भनी विभिन्न मानिससँग रकम ठगी गर्ने एक हास्य कलाकार पक्राउ परेको छ ।
केन्द्रीय अनुसन्धान ब्यूरो (सीआईबी) ले ललितपुर महानगरपालिका – २४ धापाखेल घर भएका ४० वर्षिय सुलेमान शंकर ‘ईकु’ लाई पक्राउ गरेको हो ।

सीआईबीका अनुसार उनले नेपाली सांस्कृतिक कार्यक्रमहरूमा कलाकार भिसामा क्यानाडा, अष्ट्रेलिया तथा युरोपेली देशहरूमा लैजाने भनी १५ देखि २० लाखसम्म रकम ठगी गर्ने गरेको पाइएको छ ।

सूर्यमानले विकट क्षेत्रका मानिसहरूलाई युरोपेली मुलुकहरूमा राम्रो काम पाइने र कमाई पनि त्यही अनुसार हुने भन्दै ठगी गर्ने गरेको सीआईबीले जनाएको छ ।

उनलाई मंगलबार बुढानीलकण्ठबाट पक्राउ गरी जिल्ला अदालत काठमाडौँबाट पाँच दिनको म्याद थप गरिएको प्रहरीले जनाएको छ । प्रहरीले उनीमाथि आवश्यक अनुसन्धान भइरहेको जनाएको छ ।