दैलेख र बाँकेका २ जना प्रहरीको ‘सई हुँ’ भन्दै ठगी गरेको आरोपमा पक्राउ

दैलेख र बाँकेका २ जना प्रहरीको ‘सई हुँ’ भन्दै ठगी गरेको भन्दै दैलेख प्रहरीले पक्राउ गरेकाे छ । उनहरूले नेपाल प्रहरी विधि विज्ञान प्रयोगशालाको ‘सई हुँ’ भन्दै ठगीधन्दा मच्चाएकाे प्रहरीले बताएकाे छ । पक्राउ पर्नेमा गुराँस गाउँपालिका-६, का २७ वर्षीय विकास बिसी र बाँकेको राप्ति सोनारी गाउँपालिका-७, लालपुरका ३६ वर्षीय लोकबहादुर खाण रहेका छन् ।

उनीहरुले ‘प्रहरीको सई हुँ’ भन्दै विभिन्न जिल्लाका व्यक्तिहरूबाट लाखौँ रकम ठगी गरेको पाइएको प्रहरीले जनाएकाे छ । लामो अनुसन्धानपछि प्रहरीले बिसीलाई भदौ ३ गते बेलुकी उनकै गाउँबाट पक्राउ गर्न सफल भएको जनाएकाे छ भने खाणलाई भदौ १८ गते राती सुर्खेतको लेकबेशी नगरपालिका-२, को दशरथपुरबाट पक्राउ गरिएको जनाएकाे छ ।

खाणलाई पक्राउ गर्नका लागि दैलेख प्रहरीको समन्वयमा प्रदेश प्रहरी कार्यालयबाट प्रहरी टोली खटिएको थियो । उनीहरुको आवश्यक अनुसन्धान भइरहेको प्रहरीले जनाएको छ ।