खोलामा डुबेर १ जनाको मृत्यु, एक बेपत्ता

अर्घाखाँचीमा खोलाले बगाउँदा एक जनाको मृत्यु भएको छ । भने एक जना बेपत्ता भएका छन ।

अर्घाखाँचीको शितगंगा नगरपालिका-१३, सिमलपानीमा छहरे खोलाले बगाउँदा कपिलवस्तुको बाणगंगा-२ का २९ वर्षीय उमेश पौडेलको मृत्यु भएको छ ।
खोलाबाट निस्किएको छहारामा फोटो खिच्नेक्रममा खोलाले बगाउँदा मृत्यु भएको हो ।
जिल्ला प्रहरी कार्यालय अर्घाखाँचीका अनुसार सोही ठाउँका २३ वर्षीय किशोर रास्कोटी खोलाले बगाउँदा बेपत्ता भएका छन ।

मंगलबार दिउँसो कपिलवस्तुबाट घुम्न निस्किएका चार जना झरनामा फोटो खिचाउन पुगेका थिए । झरनाले चारै जनालाई बगाएको भएपनि दुई जना पौडिएर बाँच्न सफल भएका थिए ।

दुई जनालाई खोलाले बगाएको थियो । खोजतलास गर्ने क्रममा उमेशको शव झरना भन्दा पाँचसय मिटर तल खोलामा उमेश मृत भेटिएका थिए ।

किशोरको खोजी भइरहेको जिल्ला प्रहरी कार्यालय अर्घाखाँचीले जनाएको छ ।