धनगढी विमानस्थलबाट ८ लाख भन्दा बढीका आइफोनसहित १ जना पक्राउ

धनगढी विमानस्थलबाट ८ लाख रूपैयाँ भन्दा बढीका एप्पल कम्पनीको आइफोनसहित प्रहरीले एक जनालाई पक्राउ गरेको छ ।

सोमबार बिहान घोडाघोडी नगरपालिका-१ सुखडका २७ वर्षीय राजु चौधरीलाई ८ लाख ४० हजार बराबरका २१ वटा आइफोनसहित पक्राउ गरिएको कैलाली जिल्ला प्रहरी कार्यालयले जनाएको छ ।

पक्राउ परेका उनलाई विमानस्थलको यात्रु प्रवेश द्वारबाटभित्र प्रवेश गर्दा सोही प्रवेश एक्सरे मेसिनमा चेकजाँच गर्दा काठमाण्डौँ पठाउने भनी पठाइरहेको अवस्थामा आइफोन बरामद गरिएको हो ।

युवकसहित बरामद गरिएका मोबाइल आवश्यक कारवाहीका लागि कैलाली भन्सार कार्यालय बुझाइएको प्रहरीले जनाएको छ ।
साथै बाँकि अनुसन्धान भइरहेको छ ।