अवैध रुपमा भारत लैजाँदै गरेका गाई गोरु सहित ३ जना पक्राउ

रौतहटमा अवैध रुपमा भारत लैजाँदै गरेका गाई गोरु सहित ३ जना पक्राउ परेका छन ।

यमुनमाई गाउँपलिका – ३ का ४५ वर्षीय महम्द गुफरान, ३५ वर्षीय ओहिद अन्सारी र २२ वर्षीय महम्द सम्सादलाई अवैध रुपमा भारततर्फ गाई गोरु लगिरहेको अवस्थामा प्रहरीले पक्राउ गरेको हो ।
बिहीबार पक्राउ परेका उनीहरुलाई प्रहरीले शुक्रबार सार्वजनिक गरेको छ ।

जिल्ला प्रहरी कार्यालय रौतहटका अनुसार उनीहरुलाई २ वटा गोरु, ४ वटा गाई र ३ वटा बाछा अवैध रुपमा भारततर्फ लैजाँदै गरेको अवस्थामा नियन्त्रणमा लिइएको जनाएको छ ।

पक्राउ परेका व्यक्ति र गाई गोरु गौर भन्सार कार्यालयमा बुझाइएको प्रहरीले जनाएको छ । गाई धनी फरार रहेको उनको खोजी भैरहेको प्रहरीको भनाई छ ।

बाँकि अनुसन्धान भइरहेको प्रहरीले जनाएको छ ।