पछिल्लो अपडेट : हुम्लामा जिप दुर्घटनामा गम्भीर घाइते ४ जनाको हेलिकप्टरद्धारा उद्धार

हुम्लाको चंखेली गाउँपालिकामा जिप दुर्घटनामा परि गम्भीर घाइतेहरुको हेलिकप्टरबाट उद्धार गरिएको छ ।

सिम्रिक एयरको हेलिकप्टरद्धारा चिन्ताजनक अवस्था भएका ४ जनालाई थप उपचारका लागि कर्णाली प्रदेश अस्पताल कालागाँउ सुर्खेत पुर्याएको हुम्ला जिल्ला प्रहरी कार्यालयका नायव उपरीक्षक रबिन्द्र खनालले जानकारी दिए ।

घाइते भएका ७ जना मध्ये गम्भीर रहेका ४ जनालाई थप उपचारका लागि ल्याइएको हो ।

जिल्ला प्रहरी कार्यालय हुम्लाका अनुसार दुर्घटनामा गम्भीर घाइते भएकामा चंखेली गाउँपालिकाका ३५ वर्षीय सुरेन्द्र शाही, ५० वर्षीय तिलबहादुर शाही, र मुगुको छायाँनाथ नगरपालिका-१३ का ४० वर्षीय पृथ्वी रावत र रमेश मल्ललाई थप उपचारका लागि रिफर गरिएको छ ।

प्रहरीका अनुसार अन्य घाइतेको अवस्था सामन्य रहेको छ ।

आज बिहान करिब ८ बजेको समयमा चङ्खेली गाउँपालिका २ गर्खाबाट देउली बजारतर्फ गइरहेको कणर्ाली प्रदेश २००१ च ०९२२ नम्बरको जिप मुगु सडकको गौरीसल्लामा दुर्घटना भएको थियो ।
जीप सडक देखि १५० मिटर तल खसेको थियो । अरु अपडेट आउन बाँकि छ ।