बाँकेमा ट्रकको ठक्करबाट एक जनाको मृत्यु

बाँकेमा ट्रकले मोटरसाइकललाई ठक्कर दिँदा एक जनाको मृत्यु भएको छ । मृत्यु हुनेमा मोटरसाइकल चालक सुर्खेतको भेरीगंगा नगरपालिका-९ का महेन्द्र विक रहेका छन् । शनिवार बैजनाथ गाउँपालिका-५ जि गाँउ चोकमा भे १ क २०६२ नम्बरको ट्रकले वाग्मती प्रदेश ०३००५ प २०५५ नम्बरको मोटरसाइकललाई ठक्कर दिएको थियो । ट्रकको ठक्करबाट बिक घाइते भएका थिए ।

घाइते भएका उनको मेडिकल कलेज कोहलपुर बाँकेमा उपचारको क्रममा मृत्यु भएको जिल्ला प्रहरी कार्यालय बाँकेले जानकारी दिएको छ । मृतक बिक प्रहरी जवान समेत रहेका छन् । उनी प्रहरी चौकी कपुरकोटमा कार्यरत थिए । ट्रक चालकलाई प्रहरीले नियन्त्रणमा लिएर अनुसन्धान गरिरहेको छ ।