तनहुँमा दुईबस दुर्घटना : १३ जना घाइते

तनहुँको पृथ्वीराजमार्गअन्तर्गत आँबुखैरेनी गाउँपालिका-३ मिलनचोकमा आज दुई बस  दुर्घटना हुँदा १३ जना घाइते भएका छन । लमजुङबाट नारायणगढतर्फ जाँदै गरेको ग१ज ८२९४ नम्बरको विद्युतीय माइक्रोबस र दमौलीबाट मुग्लिनतर्फ जाँदै गरेको बा४ख ४४७० नम्बरको मिनीबस अनियन्त्रित भई सडकमा पल्टिएका थिए ।
राजमार्गमा गुडिरहेका बस अचानक अनियन्त्रित भई सडकमा पल्टिँदा दुर्घटना भएको हो ।

दुर्घटनामा परी घाइते भएकाहरूको आँबुखैरेनी अस्पतालमा उपचार भइरहेको तनहुँका प्रहरी नायब उपरीक्षक दीपककुमार रायले जानकारी दिए । उनका अनुसार करिब एक सय मिटरको दूरीमा दुईवटा बस दुर्घटनामा परेको हुन् ।

बिहानदेखि सिमसिमे पानी परिरहेकाले बस चिप्लिएर दुर्घटना भएका थिए ।

घाइतेहरूकाे बिवरण अाउन बाँकि रहेकाे प्रहरीले जनाएकाे छ ।