होराईजन एकेडेमीका विद्यार्थीद्धारा टोल सरसफाई

वीरेन्द्रनगर नगरपालिका ३ मा संचालित होराईजन एकेडेमीका विद्यार्थीद्धारा टोल सरसफाई गरीएको छ । सरसफाईमा कक्षा ११ र १२ का विद्यार्थीहरु सहभागी भएका थिए । विद्यार्थीहरुले टोल सरसफाई संगै विद्यालय हाताभित्र बृक्षारोपण पनि गरेका छन् । विद्यालयको शैक्षिक कार्यतालीका अनुसार आज सरसफाई कार्यक्रम गरीएको हो । विद्यार्थीहरुलाई शिक्षा मात्र नभई अन्य ज्ञानको विकाश गर्नका लागि यो कार्यक्रममा समावेश गराईएको होराईजन एकेडेमीका प्रमुख घनश्याम खड्काले जानकारी दिएका छन् ।

“आर्दश शिक्षा, आर्दश संस्कार अभियान निर्माणको उत्कृष्ट पुर्वाधार” भन्ने मुल नाराका साथ सरसफाई अभियानमा निस्कीएका विद्यार्थीहरुको टोलीले गण्डकी टोलदेखि दैलेख रोडसम्म सरसफाई गरेका थिए । सरसफाई विद्यालयसंग जोडीने भएकाले विद्यार्थीहरुलाई सरसफाईमा अगाडी बढाउन खोजेको खड्काले जानकारी दिएका छन् ।