- साउन ११, २०८१
- No Comment
- 28
जंक फुड कै कारण लाग्ने गर्छन यस्ता रोगहरु हेर्नुहोस
![जंक फुड कै कारण लाग्ने गर्छन यस्ता रोगहरु हेर्नुहोस](https://laikakhabar.com/wp-content/uploads/2024/07/agrowon_2022-08_71af867c-4de3-4c75-98f8-a0bfa6cf59cd_News_Story___2022_08_16T114323_506.avif)
अहिलेको समयमा जंक फुडको सेवन नगर्ने कोही पनि हुन्न । यसलाई सेवन गर्न बालक देखि बृद्धसम्मले मन पराउछन । विस्तारै यसको सेवनले मानिसहरुलाई विभिन्न लत जस्तै जंक फुडको पनि लत बस्छ । यसमा समयमै ध्यान दिएन भने सानै उमेरमा यस्ता रोगको सिकार बन्न सक्छन । जीवनभर औषधि र अरूमा भर पर्नुपर्छ । अभिभावकले यथार्थ कुरा नबुझि जंक फुड खुवाउदा धेरै बालबालिकाहरु यसको सिकार बनीसकेका छन ।
भागदौडपूर्ण जीवनमा हामी घरकै खानाभन्दा जंक फुडहरू पिज्जा, बर्गर, कोल्ड ड्रिंक्स, फ्रेन्च फ्राइज र आइसक्रिम आफैँ र बच्चालाई खुवाइरहेका हुन्छौ जसका कारण बालबालिकाहरू बाल्यकालमा नै बुढ्यौली रोगको सिकार हुन थालेका छन् ।
जंक फुड आजको अस्वस्थ जीवनशैलीको लागि सबैभन्दा बढी जिम्मेवार पक्ष हो । जंक फूडले बजारमा कस्ता प्रकारका रोगहरूलाई निम्त्याइरहेको छ। यसबारे हेर्नुहाेस ।
मोटोपना
मोटोपना यस्तो रोग हो जसलाई समयमै नियन्त्रण गर्न सकिएन भने उच्च रक्तचाप, स्ट्रोकजस्ता समस्या निम्त्याउन सक्छ । मोटोपनालाई रोगको सुरुवात मान्न सकिन्छ । जंक फुड खाने बानीका कारण मोटोपना तीव्र गतिमा बढ्न थाल्छ ।
मधुमेहको जोखिम
जंक फूडमा शरीरको लागि आवश्यक पोषक तत्त्वहरू थोरै वा कुनै पनि हुँदैन । फाइबरको अभाव र जंक फूडमा चिनीको मात्रा बढी हुँदा रगतमा चिनीको मात्रा बढ्छ, जसले मधुमेहको जोखिम बढाउँछ ।
उच्च रक्तचापको समस्या
बर्गर, फ्रेन्च फ्राइज र अन्य यस्ता जंक फूडको स्वाद नुन र डीप फ्राइको कारण आउँछ । जब तपाईँ यिनीहरूको सेवन गर्नुहुन्छ तपाईँको शरीरमा आवश्यकता भन्दा बढी नुन प्रवेश गरिरहेको हुन्छ । जब शरीरमा सोडियमको मात्रा बढी हुन्छ तब रक्तचापको जोखिम बढ्छ ।
दमको समस्या
जंक फडुको अत्यधिक सेवनले तपाईँको श्वासप्रश्वास प्रणालीलाई पनि असर गर्छ । मोटोपनाले मुटु र फोक्सोमा अतिरिक्त दबाब दिन्छ, जसका कारण तपाईँ दमको सिकार हुन सक्नुहुन्छ ।
मानसिक स्वास्थ्यमा प्रभाव
जंक फूडले तपाईँको मानसिक स्वास्थ्यलाई पनि असर गर्छ । मोटोपना बढ्ने कारणले कुनै पनि प्रकारको शारीरिक गतिविधि गर्न सकिँदैन जसका कारण तनाव हर्मोन बढ्न थाल्छ र व्यक्तिमा चिडचिडापन, तनाव, डिप्रेसन जस्ता लक्षणहरू देखा पर्छन् ।
छालालाई पनि हानि
धेरै नुन र चिनीको सेवनले समय नपुग्दै बुढ्यौली बनाउन सक्छ । जसका कारण छाला बिग्रन थाल्छ । स्वास्थ्यका साथसाथै तपाईँको छालाको लागि स्वस्थ आहार पनि महत्त्वपूणर् हुन्छ तर आवश्यक पोषणको कमीले अनुहार थकित देखिन्छ र चमक पनि कम हुन थाल्छ ।
यदि आफु र आफ्नो परिवारको स्वास्थ्यलाई स्वस्थ राख्न चाहानु हुन्छ भने आहारमा जंक फुड हटाउने र स्वस्थ जीवन अपनाउने संकल्प गर्नुहोस ।