डोल्पा: जिल्लाको विभिन्न स्थानमा उम्रिएका गाँजाका बोटहरू प्रहरीले फँडानी गरी नष्ट गरेको छ। जिल्ला प्रहरी कार्यालय डोल्पाअन्तर्गतका विभिन्न प्रहरी इकाईहरूबाट खटिएको प्रहरी टोलीले मिति २०८३ साल असोज ११ गतेदेखि १३ गतेसम्म सार्वजनिक स्थानमा उम्रिएका गाँजाका बोटहरू नष्ट गरेको हो।

प्रहरी चौकी कालागौडाबाट खटिएको प्रहरी टोलीले ठुलिभेरी नगरपालिका–०९ अन्तर्गत वडा कार्यालयको परिसर छेउछाउमा करिब २ रोपनी क्षेत्रफलमा उम्रिएका गाँजाका बोटहरू फँडानी गरी नष्ट गरेको थियो। त्यसैगरी, प्रहरी चौकी शहरतारा डोल्पाबाट खटिएको प्रहरी टोलीले काइके गाउँपालिका–३ अन्तर्गत शहरताराको सार्वजनिक स्थानमा करिब २ रोपनी क्षेत्रफलमा उम्रिएका गाँजाका बोटहरू फँडानी गरी नष्ट गरेको थियो। साथै, अस्थायी प्रहरी पोष्ट बन्ठाडाबाट खटिएको प्रहरी टोलीले काइके गाउँपालिका–७ अन्तर्गत बन्ठाडाको सार्वजनिक स्थानमा करिब २ रोपनी क्षेत्रफलमा उम्रिएका गाँजाका बोटहरू फँडानी गरी नष्ट गरेको छ। यसरी विभिन्न तीन स्थानमा गरी कुल करिब ६ रोपनी क्षेत्रफलमा उम्रिएका गाँजाका बोटहरू नष्ट गरिएको छ।