चौकुने गाउँपालिकामा ५० प्रतिशत अनुदानमा बिभिन्न समुहका किसानहरुलाई ७० वटा मिनिट्रेलर वितरण

सुर्खेत। चौकुने गाउँपालिकाले कृषि उत्पादन तथा उत्पादकत्व वृद्धि गर्ने उदेश्यले किसानहरुलाई कृषि औजार वितरण गरेको छ । कृषिमा यान्त्रिकरण गरी कृषि उत्पादनमा उत्पादकत्व वृद्धि गर्ने उदेश्यका साथ चौकुने गाउँपालिकाले किसानहरुलाई कृषि औजार वितरण गरेको हो । कृषि प्रणालीलाई आधुनिकीकरण गरेर कृषकहरुलाई काम सहज बनाउने उदेश्यका साथ पालिकाले ५० प्रतिशत अनुदानमा वडा न १ देखि १० वडाका बिभिन्न समुहका किसानहरुलाई ७० वटा मिनिट्रेलर मेसिन वितरण गरेको छ । चौकुने गाउँपालिका कृषि शाखा प्रमुख लोकमणी जोशीका अनुसार कृषिमा यान्त्रिकरण, व्यवसायिकरण र बजारीकरणमा सहयोग गर्ने उदेश्यका साथ किसानहरुलाई उक्त मेसिनहरु वितरण गरिएको बताउनुभएको छ ।

चौकुने गाउँपालिकाका अध्यक्ष खडक बिवस बासपाने र उपाध्यक्ष नर बहादुर बान्तोला ,प्रमुख प्रशासकीय अधिकृत पुर्ण बहादुर बि क ,वडा अध्यक्ष कमल जि सी ,कबिराज खनाल ,टोप बहादुर बि सी ,मायाराम जैशी , लगायत जन प्रतिनिधि सहित स्थानीयबासीहरुको उपस्थितिमा किसानहरुलाई आधुनिक कृषि औजार वितरण गरिएको थियो । चौकुने गाउँपालिकाले किसानहरुको समस्यालाई बुझेर सुविधायुक्त कृृषि औजार वितरण गरेपछि कृषकहरु खुशी भएका छन् ।