वीरेन्द्रनगरको ढकालचोक नजिकै बोलेरो जीप दुर्घटना : ३ जना घाइते

सुर्खेत। सुर्खेतको वीरेन्द्रनगर नगरपालिका–१२ स्थित ढकालचोक नजिकै बोलेरो डबल क्याप जीप दुर्घटना हुँदा तीन जना घाइते भएका छन्।

कर्णाली प्रदेश ०२–००१ च ०५८२ नम्बरको बोलेरो जीप सोमबार दिउँसो करिब ४:१५ बजेको समयमा दुर्घटनामा परेको हो।

दुर्घटनामा घाइते भएका तीन जनाको अवस्था तथा परिचय हालसम्म खुल्न बाँकी रहेको प्रहरीले जनाएको छ। घाइतेहरूको उद्धार गरी उपचारका लागि अस्पताल पठाइएको बताइएको छ।

घटनाबारे थप विवरण आउन बाँकी रहेको र दुर्घटनाको कारणबारे आवश्यक अनुसन्धान भइरहेको प्रहरीले जानकारी दिएको छ।