अछाम र बझाङमा जबरजस्ती करणीको अभियोगमा दुई जना पक्राउ

अछाम/बझाङ — जबरजस्ती करणी गरेको अभियोगमा अछाम र बझाङबाट दुई जना पक्राउ परेका छन्।

अछामको ढकारी गाउँपालिका–२ बलातीबाडा कालिकास्थानका १९ वर्षीय पुष्प साउदलाई १७ वर्षीया बालिकामाथि जबरजस्ती करणी गरेको आरोपमा पक्राउ गरिएको जिल्ला प्रहरी कार्यालयले जनाएको छ। पीडित पक्षले दिएको उजुरीका आधारमा प्रहरी चौकी ढकारीबाट खटिएको टोलीले साउदलाई नियन्त्रणमा लिएको हो।

त्यस्तै बझाङको जयपृथ्वी नगरपालिका–३ का २२ वर्षीय सुरज जोशीलाई २८ वर्षीया महिलामाथि जबरजस्ती करणी गरेको आरोपमा प्रहरीले पक्राउ गरेको छ। उजुरी प्राप्त भएपछि जिल्ला प्रहरी कार्यालय बझाङबाट खटिएको टोलीले जोशीलाई पक्राउ गरी थप अनुसन्धान अघि बढाइरहेको छ।

दुवै घटनामा आरोपितहरूविरुद्ध आवश्यक अनुसन्धान जारी रहेको प्रहरीले जनाएको छ।