कैलालीमा चट्याङ लागेर एक युवकको मृत्यु

कैलाली जिल्लाको गौरीगंगा नगरपालिका–२, झिलका २६ वर्षीय उपेन्द्रबहादुर शाहीको चट्याङ लागेर मृत्यु भएको छ। जिल्ला प्रहरी कार्यालय कैलालीका प्रहरी नायब उपरीक्षक राजकुमार सिंहका अनुसार बिहीबार बिहान शाही घर नजिकैको खेतमा हिँडिरहेका बेला चट्याङ लागेको हो। चट्याङ लागेपछि उनको घटनास्थलमै मृत्यु भएको प्रहरीले जनाएको छ। प्रहरीका अनुसार घटनाबारे थप अनुसन्धान भइरहेको छ।