• जेष्ठ २३, २०८२
  • No Comment
  • 115

भेरी नदीमा डुबेका तीन बालबालिका मध्ये एकको मृत्यु, दुई  बेपत्ता

रुकुम पश्चिम।  रुकुम पश्चिमको आठबिसकोट नगरपालिका–९ मा रहेको ठुलो भेरी नदीमा पौडी खेल्ने क्रममा डुबी तीन जना बालबालिकामध्ये एक जनाको मृत्यु भएको छ भने दुई जना अझैसम्म बेपत्ता रहेका छन्।

शुक्रबार दिउँसाे जाजरकोट नलगाड नगरपालिका–८ घर भई हाल आठबिसकोटको विद्यालयमा अध्ययनरत तीन जना बालबालिका भेरी नदीमा पौडी खेल्ने क्रममा डुबेका हुन्। डुबेकामध्ये १६ वर्षीया भगवती नेपालीलाई स्थानीयको सहयोगमा उद्धार गरी तत्काल आठबिसकोट नगर अस्पतालमा पुर्याइएको थियो। तर, उपचारको क्रममा उनको मृत्यु भएको अस्पतालले जनाएको छ।

बेपत्ता हुनेमा नलगाड–८ का सुरेन्द्र कुसारीका १० वर्षीय छोरा महेश कुसारी र १२ वर्षीया छोरी आशा कुसारी रहेका छन्। घटनाको जानकारी पाउनेबित्तिकै इलाका प्रहरी कार्यालय आठबिसकोटबाट प्र.नि. गणेश खनालको नेतृत्वमा ९ जना प्रहरी टोली घटनास्थलमा परिचालन गरिएको  प्रहरीले जनाएकाे छ । साथै, जिल्ला प्रहरी कार्यालय जाजरकोट अन्तर्गत इलाका प्रहरी चौकी मैदेबाट समेत प्र.ह. राम बहादुर नेपालीको नेतृत्वमा थप टोली खटिएको जिल्ला प्रहरी कार्यालय जाजरकाेटले जनाएकाे  छ।

घटनास्थलमा बालबालिकाका लुगा, चप्पल र साइकल भेटिएको छ। स्थानीयका अनुसार तीनै जना विद्यालयबाट फर्कँदै गर्दा नदी किनारमा पौडी खेल्न गएका थिए।

प्रहरी र स्थानीयको सहयोगमा बेपत्ताहरूको खोजी कार्य तीव्र रूपमा भइरहेको प्रहरीले जनाएको छ।  थप विवरण अाउन बाँकि रहेकाे पनि प्रहरीले जनाएकाे छ ।

सम्बन्धित खबर

सुर्खेतमा भन्सार छली सामान बरामद

सुर्खेतमा भन्सार छली सामान बरामद

सुर्खेत । जिल्ला प्रहरी कार्यालय सुर्खेतको टोलीले भन्सार छली ल्याइएको ठूलो परिमाणको मोबाइल पार्ट्ससहितका सामान बरामद गरेको छ । शनिबार दिउँसो…
कोहलपुर–सुर्खेत १३२ केभी प्रशारणलाइन तिहारसम्म सम्पन्न गरिसक्नु : मुख्यमन्त्री कँडेल

कोहलपुर–सुर्खेत १३२ केभी प्रशारणलाइन तिहारसम्म सम्पन्न गरिसक्नु : मुख्यमन्त्री…

सुर्खेत । कर्णाली प्रदेशका मुख्यमन्त्री यामलाल कँडेलले निर्माणाधीन कोहलपुर–सुर्खेत १३२ केभी प्रशारणलाइन तिहारभित्रै सम्पन्न गर्ने गरी काम गर्न निर्देशन दिएका छन्…
महानगर प्रहरीको काम सिनेमा हेरेजस्तो लाग्छ : मेयर बालेन

महानगर प्रहरीको काम सिनेमा हेरेजस्तो लाग्छ : मेयर बालेन

काठमाडौं । काठमाडौं महानगरपालिकाका मेयर बालेन्द्र शाह (बालेन)ले महानगर प्रहरीको काम सिनेमा हेरेजस्तो लाग्ने गरेको बताएका छन् । शनिबार (भदौ १४)…

Leave a Reply

Your email address will not be published. Required fields are marked *