सुर्खेतमा बनभोजबाट फर्कदै गरेको फोर्स गाडी दुर्घटना, २६ जना घाइते

सुर्खेतको वीरेन्द्रनगर-७, कपासेमा बनभोज खाएर फर्कदै गरेकाे फोर्स गाडी दुर्घटनामा परेको छ । बुधबार साँझ भएको उक्त दुर्घटनामा परी २६ जना घाईते भएका छन् । सुर्खेतको छिन्चुबाट कटकुवा बनभोज खान वीरेन्द्रनगरको कटकुवा गएर फर्किदै गरेका यात्रु बोकेको कणर्ाली प्रदेश ०२-०१ ख ०१८८ नम्बरको फोर्स गाडी कपासे नेपाली सेनाको मुल गेट नजिकको मोडमा दुर्घटनामा परेको हो ।

गाडीमा जम्मा २६ जना सवार रहेको र ति सबै घाईते भएको जिल्ला प्रहरी कार्यालय सुर्खेतले जानकारी दिएको छ । दुर्घटना लगत्तै कालीबहादुर गणबाट सेनानी कौशल कार्की र श्री नं‍. ४ फि ए गुल्मबाट प्राविधिक सह सेनानी डा. सचित थापाको कमाण्डमा खटिएको सेनाको टोलीले उद्दार गरी थप उपचारका लागि प्रदेश अस्पताल पठाइएको उत्तर पश्चिम पृतना हेडक्वाटर सुर्खेतले जनाएको छ । जिल्ला प्रहरी कार्यालय सुर्खेतका अनुसार घाइते २६ मध्ये दुई जनाको अवस्था गम्भीर छ । गाडी सडकबाट झण्डै एक सय मिटर तल खसेको प्रहरीले जनाएको छ । घाईते सबैलाई उपचारको लागि प्रदेश अस्पताल कालागाउँमा लगिएको छ ।