अल्जेरियामा बस दुर्घटना: १८ जनाको मृत्यु

एजेन्सी – अफ्रिकी मुलुक अल्जेरियामा सडक दुर्घटना भएको छ । राजधानी अल्जियर्स नजिकै शुक्रबार राति गुडिरहेको बस पुलबाट तल एल हर्राक नदीमा खस्दा कम्तीमा १८ जनाको मृत्यु भएको छ ।

दुर्घटनामा घाइते भएका अन्य यात्रुहरूको उद्धार गरी अस्पताल पठाइएको छ । उद्दारकर्मीहरूले रातभर खोज तथा उद्दार  गरेका थिए ।

राष्ट्रपति अब्देलमजिद तेब्बुनले दुर्घटनामा ज्यान गुमाएकाका परिवारजनप्रति समवेदना प्रकट गर्दै घाइतेहरूको शीघ्र स्वास्थ्यलाभको कामना गरेका छन् ।