कर्णालीमा बढ्यो बाढी–पहिरोकाे जोखिम

कर्णाली प्रदेशका विभिन्न क्षेत्रहरूमा बाढी तथा पहिरोको उच्च जोखिमका कारण हाल १९ वटा बस्ती बाढी र ७३ वटा बस्ती पहिरोको जोखिममा रहेको तथ्यांक सार्वजनिक भएको छ । यसले प्रदेशको जनजीवन र कृषि क्षेत्रमा ठूलो असर पार्ने खतरा बढेको छ । प्रदेश सरकारको विपद् व्यवस्थापन विभागले तयार गरेको रिपोर्ट अनुसार, वर्षा र प्राकृतिक विपद् जोखिमका कारण यी बस्तीहरूमा राहत तथा पूर्वतयारीको आवश्यकता देखिएको छ । धेरैजसो जोखिमयुक्त क्षेत्रहरू पहाडी भुभागमा रहेका छन् जहाँ पहिरो र बाढीले घरबार विस्थापन हुने सम्भावना बढी छ ।

अधिकारिहरूले जनतालाई सुरक्षित स्थानमा जान र आवश्यक पूर्वतयारी गर्न सतर्क रहन आग्रह गरेका छन् । साथै, जोखिम न्यूनिकरणका लागि पुनः बासस्थान कार्यक्रम, भौतिक संरचना सुधार र स्थानीय सचेतनामा जोड दिनुपर्ने बताएका छन् । यस जोखिमलाई कम गर्न स्थानीय प्रशासनसँग समन्वय गर्दै प्रदेश सरकारले विभिन्न क्षेत्रमा निगरानी क्यामेरा स्थापना, पहिरो रोकथामका उपाय र सामुदायिक सहभागितामा आधारित कार्यक्रम सञ्चालन गरिरहेको छ । बाढी र पहिरोको जोखिम अझै उच्च बनेको यो अवस्थामा प्रदेश सरकारले तत्काल प्रभावकारी कदम चाल्नुपर्ने दबाब समुदायबाट बढ्दै गएको छ ।