नेपालले बंगलादेशसँग दुई मैत्रीपूर्ण फुटबल खेल खेल्ने

 नेपाली राष्ट्रिय पुरुष फुटबल टोलीले आगामी सेप्टेम्बरमा बंगलादेशसँग दुई मैत्रीपूर्ण खेल खेल्ने भएको छ। अखिल नेपाल फुटबल संघ (एन्फा) का अनुसार यी खेलहरू भदौ २१ र २४ गते दशरथ रंगशालामा आयोजना गरिनेछ। एन्फाले आगामी एएफसी एसियन कप छनोटको तयारी स्वरूप बंगलादेशसँगको खेल तय गरिएको जनाएको छ।

एसियन कप छनोटमा नेपाल समूह एफ मा रहेको छ, जहाँ मलेसिया, लाओस र भियतनाम पनि छन्।नेपालले छनोटअन्तर्गत अक्टोबर ९ मा भियतनामविरुद्ध अवे खेल खेल्नेछ। त्यसको तयारीस्वरूप बंगलादेशविरुद्धको यी मैत्रीपूर्ण खेल नेपाली टिमका लागि निकै महत्वपूर्ण हुने अपेक्षा गरिएको छ।