एमाले नेता अनिल पोखरेल रकम ठगी गरेकाे आरोपमा पक्राउ

नेकपा एमालेका नेता अनिल पोखरेल पक्राउ परेका छन्। मोरङको रंगेली नगरपालिका–२ घर भई काठमाडौं बस्दै आएका ४३ वर्षीय पोखरेल आज विराटनगरबाट पक्राउ परेका हुन्।

उनले एमबीबीएस भर्ना गर्नका लागि ३८ लाख ८० हजार रुपैयाँ ठगी गरेको आरोप छ। मोरङ जिल्ला कमिटी सदस्य रहेका उनले एबीबीबीएसमा छोरीको नाम निकालिदिने भन्दै सप्तरीको अग्नीसाईर कृष्णासवरन गाउँपालिका– ५ बकधुवा बस्ने ५७ वर्षीय बौआलाल चौधरीसँग विभिन्न मितिमा ३८ लाख ८० हजार रुपैयाँ लिएका थिए।

ठगीको घटना सार्वजनिक भएपछि उनी प्रतिनिधि सभा सार्वजनिक लेखा समिति सभापति ऋषिकेश पोखरेलका स्वकीय सचिवबाट हटाइएका थिए।