डडेलधुरामा प्रहरी जवान मृत फेला

झापामा युवतीलाई बाँधेर पेट्रोल छर्केर आगो लगाउन खोज्ने भारतीय नागरिक पक्राउ

बिर्तामोड नगरपालिका–०५ स्थित एक युवतीलाई हातखुट्टा तथा घाँटी बाँधी शरीरमा पेट्रोल छर्केर आगो लगाउन खोज्ने एक जनालाई पक्राउ गरिएको छ । मिति २०८३ असोज १२ गते राति १०:३० बजे जिल्ला इलाम, रोङ गाउँपालिका–०३ घर भई हाल झापा, बिर्तामोड नगरपालिका–०५ मा डेराकोठा गरी बस्दै आएकी २२ वर्षीया रविना मगरको कोठामा देश भारत, किशनगञ्ज जिल्ला, कदमगाछी थाना पछाड कट्टा ग्राम पञ्चायत घर भई हाल बिर्तामोड नगरपालिका–०५, इलाम स्टेनस्थित अमृत भोग मिठाई पसलमा काम गर्दै आएका ४२ वर्षीय दिलिप चन्द्र राय प्रवेश गरेका थिए । रायले मादक पदार्थ सेवन गरी पेट्रोलसमेत बोकेर रविना मगरको कोठामा प्रवेश गरी तन्ना च्याती उनको हातखुट्टा तथा घाँटी बाँधेर शरीरमा पेट्रोल छर्की आगो लगाउन खोजेका थिए । उक्त घटनाबारे प्रहरीलाई खबर प्राप्त हुनासाथ प्रहरी टोली खटिई गई निज रायलाई नियन्त्रणमा लिइएको हो । घटनामा घाइते रविना मगरलाई उपचारका लागि मनमोहन अस्पताल, बिर्तामोड लगि उपचार भइरहेको छ । उक्त घटनामा संलग्न दिलिप चन्द्र रायलाई पक्राउ गरी घटनाको सम्बन्धमा थप अनुसन्धान भइरहेको छ ।

सल्यानमा तीव्र हावाहुरी: पाँच पालिकाका ६ हजारभन्दा बढी परिवार प्रभावित

लगातारको वर्षासँगै शनिबार बेलुकी चलेको तीव्र हावाहुरीले सल्यानका पाँचवटा स्थानीय तहमा व्यापक क्षति पुर्‍याएको छ। कपुरकोट, छत्रेश्वरी, त्रिवेणी गाउँपालिका, बागचौर र वनगाड कुपिण्डे नगरपालिकामा हावाहुरीले दुई दर्जनभन्दा बढी घर र विद्यालयका छाना उडाएको छ भने बिजुलीका दर्जनौं पोल ढलाएको छ। विद्युत सेवा अवरुद्ध हुँदा कपुरकोटका बासिन्दा तीन दिनदेखि र बागचौरका केही वडाका बासिन्दा दुई दिनदेखि अन्धकारमा बस्न बाध्य भएका छन्। बत्ती नहुँदा मोटरबाट पानी तान्न नपाउँदा खानेपानीको समेत हाहाकार मच्चिएको छ। सामुदायिक वनमा सयौं सल्लाका रुख ढलेका छन्। हावाहुरीले किसानले लगाएको मकै बाली, तरकारी र सुन्तला तथा कागतीजस्ता फलफूलमा ठूलो क्षति पुर्‍याएको छ। पाक्नै लागेको अन्नबाली र फलफूल नष्ट भएपछि ६ हजारभन्दा बढी परिवार चिन्तित बनेका छन्। यस विपद्बाट सबैभन्दा बढी कपुरकोट गाउँपालिका प्रभावित भएको छ।

कञ्चनपुरको बेलडाँडीमा अचेत भेटिएका युवकको उपचारका क्रममा मृत्यु

कञ्चनपुरको बेलडाँडी गाउँपालिकामा सडक किनारमा अचेत अवस्थामा भेटिएका एक युवकको उपचारका क्रममा मृत्यु भएको छ। कृष्णपुर नगरपालिका–२, बङ्क निवासी २७ वर्षीय महेश धामी आइतबार राति बेलडाँडी गाउँपालिका–२, क्याम नजिक सडक किनारमा अचेत अवस्थामा फेला परेका थिए। स्थानीय बासिन्दाले उनलाई अचेत अवस्थामा देखेपछि उद्धार गरी सुरुमा प्राथमिक स्वास्थ्य केन्द्र, बेलडाँडी पुर्‍याएका थिए। धामीको स्वास्थ्य अवस्था गम्भीर रहेकाले उनलाई सोमबार बिहान थप उपचारका लागि महाकाली प्रादेशिक अस्पताल, महेन्द्रनगर लगिएको थियो। अस्पतालमा उपचारकै क्रममा उनको मृत्यु भएको प्रहरीले जनाएको छ। हाल उनको शव पोस्टमार्टमका लागि महाकाली प्रादेशिक अस्पतालमै राखिएको छ। प्रहरीका अनुसार मृतक धामी रोजगारीको सिलसिलामा भारतमा थिए र घटना हुनुभन्दा एक साताअघि मात्रै घर फर्किएका थिए। उनका आफन्तहरू बेलडाँडी गाउँपालिका–५, झिलमिलामा बस्दै आएका थिए। धामीको परिवारले त्यहाँको घरजग्गा बिक्री गरी भारतमै स्थायी रूपमा बसोबास गर्दै आएको र हाल उनीहरू अस्थायी रूपमा बङ्कमा घर बनाएर बसिरहेका थिए। घटनाबारे थप अनुसन्धान भइरहेको प्रहरीले जनाएको छ।

लाईका खबर

डडेलधुरामा प्रहरी जवान मृत फेला

टिप्पणीहरू (0)

डडेलधुरामा प्रहरी जवान मृत फेला

सम्बन्धित लेखहरू

झापामा युवतीलाई बाँधेर पेट्रोल छर्केर आगो लगाउन खोज्ने भारतीय नागरिक पक्राउ

सल्यानमा तीव्र हावाहुरी: पाँच पालिकाका ६ हजारभन्दा बढी परिवार प्रभावित

कञ्चनपुरको बेलडाँडीमा अचेत भेटिएका युवकको उपचारका क्रममा मृत्यु

टिप्पणीहरू (0)

सम्बन्धित लेखहरू

झापामा युवतीलाई बाँधेर पेट्रोल छर्केर आगो लगाउन खोज्ने भारतीय नागरिक पक्राउ

सल्यानमा तीव्र हावाहुरी: पाँच पालिकाका ६ हजारभन्दा बढी परिवार प्रभावित

कञ्चनपुरको बेलडाँडीमा अचेत भेटिएका युवकको उपचारका क्रममा मृत्यु

भर्खरै

ट्रेन्डिङ