कञ्चनपुरको दोधारा चाँदनी नगरपालिका–३ पटेराखल्लामा बाढीको उच्च जोखिममा रहेका १४ परिवारलाई सुरक्षित स्थानमा सारिएको छ। भारी वर्षाका कारण महाकाली क्षेत्रमा बढेको जोखिमलाई मध्यनजर गर्दै स्थानीय जनप्रतिनिधि र सुरक्षाकर्मीको संयुक्त पहलमा उनीहरूलाई खाद्यान्न तथा लत्ताकपडासहित नजिकैको जमुना आधारभूत विद्यालयमा स्थानान्तरण गरिएको हो।

दैनिक वर्षाले जनजीवन अस्तव्यस्त बन्दा यहाँका सीमान्तकृत बासिन्दाहरू वर्षौंदेखि बर्खाको समय त्रसित भएर रात बिताउन बाध्य छन्। वडाध्यक्ष हरिसिंह धनाडीको सक्रियतामा समयमै उद्धार कार्य गरिए पनि निरन्तरको वर्षाले खतरा अझै टरिसकेको छैन।