वनगाड कुपिण्डे नगरपालिकास्थित दुईवटा सामुदायिक वनको ओडारमा लुकाइछिपाई राखिएको अवस्थामा प्रहरीले ८ नाल भरुवा बन्दुक बरामद गरेको छ।

असोज १५ गते बिहान ०९:३० बजेको समयमा जिल्ला प्रहरी कार्यालय सल्यानबाट खटिएको प्रहरी टोलीले उक्त बन्दुकहरू फेला पारेको हो। प्रहरीका अनुसार वनगाड कुपिण्डे नगरपालिका–७ स्थित सल्लेरी सामुदायिक वनको ओडारबाट ४ नाल र वडा नम्बर १२ स्थित निगालचुला भदाले सामुदायिक वनको ओडारबाट ४ नाल गरी जम्मा ८ नाल भरुवा बन्दुक बरामद गरिएको छ।

बरामद गरिएका भरुवा बन्दुकहरूको सम्बन्धमा हाल थप अनुसन्धान भइरहेको सल्यान जिल्ला प्रहरी कार्यालयले जनाएको छ।