बालेनसहित चार उम्मेदवारलाई आयोगले सोध्यो स्पष्टीकरण

काठमाडौँ । निर्वाचन आयोगले राष्ट्रिय स्वतन्त्र पार्टी (रास्वपा) का वरिष्ठ नेता बालेन शाहसहित चार जना उम्मेदवारलाई स्पष्टीकरण सोधेको छ।

आयोगले बालेन शाह, नेकपा एमालेका सचिव महेश बस्नेत, श्रम संस्कृति पार्टीका अध्यक्ष हर्क साम्पाङ तथा स्वतन्त्र उम्मेदवार डा. निकोलस भुसाललाई निर्वाचन आचारसंहिता उल्लङ्घन गरेको आरोपमा स्पष्टीकरण सोधेको हो।

निर्वाचन आचारसंहिता उल्लङ्घन भएको भन्दै उजुरी परेपछि उनीहरूविरुद्ध आयोगले छानबिन अघि बढाउँदै स्पष्टीकरण मागेको निर्वाचन आयोग स्रोतले जनाएको छ।

आयोगले मंगलबार पत्र काट्दै सम्बन्धित उम्मेदवारहरूलाई २४ घण्टाभित्र लिखित स्पष्टीकरण पेश गर्न निर्देशन दिएको छ।