वीरेन्द्रनगर नगरपालिका वडा नं. १ ले निशुल्क तयारी कक्षा संचालन गर्ने

वीरेन्द्रनगर नगरपालिका वडा नं. १ ले निशुल्क तयारी कक्षा संचालन गर्ने भएको छ । बढ्दो शैक्षिक बेरोजगार न्यूनिकरण गर्न र युवाहरुलाई रोजगार मुलक बनाउने भन्दै निशुल्क तयारी कक्षाको तयारी गरिएको वडा अध्यक्ष दिनेश खत्रीले जानकारी दिए ।

वीरेन्द्रनगर नगरपालिका वडा नं.१ मा रहेका गरिव, जेहेन्दार, दलित, महिला, आदिवासी, जनजाति, अपाङ्ग र पिछडिएका विद्यार्थीहरुलाई निजामति सेवामा प्रवेश गराउने उदेश्यले निशुल्क तयारी कक्षा संचालन गर्न लागिएको अध्यक्ष खत्रीले बताए । सि.आइ.डि. कलेजले संचालन गर्न लागेको उक्त तालिम दस महिने हुने कलेजले जानरकारी दिएको छ ।

उक्त १० महिने निशुल्क लोकसेवा तथा शिक्षक सेवाका तयारी कक्षा संचालन गर्नका लागि वीरेन्द्रनगर नगरापलिका वडा नं.१ ले सुचना समेत जारी गरेको छ । सुचनामा ईच्छुकहरुले सातदिन भित्र आप्mनो सम्पुर्ण शैक्षिक योग्यताको प्रमाणपत्र, नागरिकताको प्रतिलिपि र पासपोर्ड साइज फोटो सहित वडामा सम्पर्क गर्नहुन भनेर सुचनामा उल्लेख गरिएको छ ।