रास्वपा कर्णालीकी संस्थापक महामन्त्री चन्द्रा बिक र सुर्खेतका कार्यवाहक सभापति बस्नेत कांग्रेसमा प्रवेश

 सुर्खेत– राष्ट्रिय स्वतन्त्र पार्टी (रास्वपा) कर्णाली प्रदेशकी संस्थापक महामन्त्री चन्द्रा बिक र सुर्खेतका कार्यवाहक जिल्ला सभापति जगत बस्नेत नेपाली कांग्रेसमा प्रवेश गरेका छन्।

उनीहरूलाई आइतबार कांग्रेसका उपसभापति विश्वप्रकाश शर्माले सुर्खेतमा आयोजित एक कार्यक्रममा स्वागत गरेका हुन्।

कांग्रेसका अनुसार बिक र बस्नेतसँगै रास्वपा परित्याग गरेका दर्जनौँ नेता तथा कार्यकर्ता पनि कांग्रेसमा समाहित भएका छन्। कार्यक्रममा बोल्दै नेताहरूले पार्टीको सिद्धान्त र लोकतान्त्रिक मूल्यप्रति प्रतिबद्ध भएर अघि बढ्ने बताएका थिए।