दैलेखमा १२ वर्षीया बालिका काकाबाट बलात्कृत 

दैलेख – दैलेखको एक गाउँमा १२ वर्षीया बालिका काकाबाट बलात्कृत भएकी छिन् । बलात्कृत बालिका गर्भवती भएको थाहा पाएपछि घटना बाहिर आएको हो । आरोपित काकालाई प्रहरीले पक्राउ गरी कानूनी प्रक्रिया थालेको दैलेखका प्रहरी इञ्चार्ज डीएसपी गणेशबहादुर बरालले जानकारी दिनुभयो । माघ १२ गते जोरजुलुम गरी बलात्कार गरेको पीडित बालिकाले बताएकी छिन् । घटनाबारे थप अनुसन्धान भइरहेकाे प्रहरीले जनाएकाे छ । प्रहरीका अनुसार अनुसन्धानकै क्रममा भएका कारण केहि नखुलाएकाे जनाएकाे छ ।

मुलुकी अपराध सहिंता २०७४ को दफा २१९ को उपदफा ३ (ख) अनुसार दोषी ठहर भए १८ देखि २० वर्ष कैद र दफा २२० को उपदफा २ (ग) अनुसार हाडनाताको ३ देखि ६ वर्षसम्म थप कैद हुने कानूनी व्यवस्था छ । महिला र बालिका माथि हुने हिंसा विरुद्ध आवाज उठाउने अन्तरराष्ट्रिय महिला दिवसको सेरोफेरामा फागुन २३ गते सुर्खेतको गुर्भाकोट नपा-६ की १६ वर्षीया बालिकाको बलात्कारपछि हत्या भएको घटनाले स्तव्ध बनाएकै समयमा दैलेखमा काकाबाट बलात्कृत १२ वर्षीया बालिका गर्भ समेत रहेको खुलेको हो ।