चौकुने गाउँपालिकामा नसर्ने रोगहरुको पहिचानका लागि एक महिने अभियान सुरु

नसर्ने रोगहरुको पहिचानकालागि चौकुने गाउँपालिकामा एक महिने ‘स्क्रीनिङ’ अभियान थालिएको छ । नसर्ने रोगका मानिसको सङ्ख्यामा वृद्धि हुँदै गएकाले रोकथाम गर्ने उद्देश्यले स्क्रीनिङ अभियान सञ्चालन गरिएको चौकुने स्वास्थ्य शाखाले जनाएको छ ।

पछिल्ला केही वर्षदेखि तीस वर्ष भन्दामाथि उमेर समूहकामा नसर्ने रोगको जोखिम बढ्दै गएको देखिएकाले स्क्रीनिङ अभियान सुरु गरिएको चौकुने स्वास्थ्य शाखा प्रमुख ईन्द्र बहादुर जैसुरीले बताउनु भएको छ ।

उहाँका अनुसार अभियानमा उक्त उमेर समूहमा बीएमआई (बडी मास इन्डेक्स), उच्च रक्तचाप, मधुमेह तथाको परीक्षण गरिनेछ । अभियानका क्रममा स्वास्थ्य परीक्षण पश्चात नसर्ने रोगको पहिचान भएकालाई परामर्श गरिने जनाइएको छ ।