नवलपुरमा टिपर दुर्घटना, चालकको मृत्यु, ३ घाइते

नवलपरासी पूर्वको विनयी त्रिवेणी गाउँपालिका–३ मा टिपर दुर्घटना हुँदा चालकको मृत्यु भएको छ भने तीन जना घाइते भएका छन्।

पाल्पाबाट चुनढुंगा लिएर होङसी सिमेन्टतर्फ जाँदै गरेको  ना १ क ९१२९ नम्बरको टिपर दुर्घटनामा परेकाे हाे । मकवानपुर बागमती गाउँपालिका–६ का ३२ वर्षीय चालक नरबहादुर वाइबाको घटनास्थलमै मृत्यु भएको जिल्ला प्रहरी कार्यालय प्रमुख यादव ढकालले जानकारी दिए।

टिपर दुर्घटनामा परी विनयी त्रिवेणीका २४ वर्षीय सुनिल सार्की, २३ वर्षीय दीपक सुनार र वीरगञ्जका ३० वर्षीय ताज महमद हावारी घाइते भएका छन्। घटना सम्बन्धी थप अनुसन्धान भइरहेकाे प्रहरीले जनाएकाे छ ।