भारत जाँदै गरेको यात्रुसवार बस नवलपुरमा दुर्घटना हुँदा २३ जना घाइते

पूर्वपश्चिम राजमार्गअन्तर्गत नवलपरासी पूर्व (नवलपुर)को त्रिवेणी – १ स्थित विनयी खोला नजिक यात्रुसवार बस दुर्घटना हुँदा २३ जना घाइते भएका छन् ।

आज बिहान काठमाडौंबाट भारतको राजस्थानतर्फ जाँदै गरेको आरजे १४ पिसी ३५४५ नम्बरको बस आफैं अनियन्त्रित भई पल्टिएको हो ।

जिल्ला प्रहरी कार्यालयका प्रहरी नायब उपरीक्षक वेदबहादुर पौडेलका अनुसार बसमा करिब ४५ जना यात्रु रहेकामा २३ जना घाइते छन् ।

घाइतेहरुको स्थानीय विनयी त्रिवेणी आधारभूत अस्पतालमा उपचार भइरहेको छ । घाइतेहरुको विवरण आउन बाँकि रहेको प्रहरीले जनाएको छ ।