काठमाडौं । रुकुम पूर्वको कोल क्षेत्रलाई केन्द्रबिन्दु बनाएर आइतबार साँझ ५.० म्याग्निच्युडको भूकम्प गएको छ।

राष्ट्रिय भूकम्प मापन तथा अनुसन्धान केन्द्रका अनुसार भूकम्प साँझ ४:३० बजे गएको हो।

भूकम्पको धक्का रुकुम पूर्वसहित रोल्पा, दाङ र अर्घाखाँचीलगायत आसपासका जिल्लामा पनि महसुस गरिएको स्थानीयले बताएका छन्।

हालसम्म भूकम्पबाट कुनै मानवीय वा भौतिक क्षतिको विवरण प्राप्त नभएको जनाइएको छ। स्थानीय प्रशासनले सम्भावित क्षतिको विवरण संकलन गर्ने कार्य जारी राखेको छ।