१५ साउन, काठमाडौं । स्मार्ट सेल घोटाला प्रकरणमा नेपाल दूरसञ्चार प्राधिकरणका पूर्वअध्यक्ष भूपेन्द्र भण्डारी पक्राउ परेका छन् ।
प्रहरीको केन्द्रीय अनुसन्धान ब्यूरो (सीआईबी)ले उनलाई ललितपुर महानगरपालिका–२३ धापाखेलबाट पक्राउ गरेका हो । सीआईबीका प्रवक्ता तथा एसएसपी अनुपम शमशेर जबराले उनीमाथि स्मार्ट सेल घोटाला प्रकरणमा अनुसन्धान हुने बताए ।
पाकिस्तानको ब्रेड पिक (८०४७ मी.) मा हिमपहिरोमा परी सम्पर्क विहीन भएका दोलखा गौरीशङ्कर गाउँपालिका वडा नम्बर– ९ बेदिङका ४५ बर्षिय किलि पेम्बा शेर्पा (किलु) को पनि शुक्रवार शव भेटिएको उनको काका हिमआरोही दावाछिरी शेर्पाले बताएका छन् । यस अघि अर्का नेपाली आरोही पुरबहादुर गुरुङ (युक्ता) को शव भेटिएको विवरण सार्वजनिक भएको थियो । नेपाल सरकारले भने अहिलेसम्म आरोहीहरु कसैको पनि निधन भएको पुष्टि गरेको छैन । पर्वतारोही निर्मल पुर्जा (निम्स दाइ) नेतृत्वको १० जनाको ब्रड पिक आरोहण टोलीमा नेपालका निर्मल पुर्जासहित किलि पेम्बा शेर्पा, पुरबहादुर गुरुङ (युक्ता), निमा शेर्पा, नावाङ थिन्दु शेर्पा र ग्यालु शेर्पा रहेका थिए । उक्त टोली विहिवार विहानै ८,०४७ मिटर उँचाईको ब्रोड पिक सफल आरोहण गर्ने लक्ष्यसहित अघि बढेको थियो । तर, विहिवार मध्यान्नतिर हिम पहिरोमा परेर उनीहरु सम्पर्क विहीन भएका थिए । हिम पहिरोमा मृत्यु भएका दोलखाका किलि पेम्बा शेर्पा (किलु) ले हिमाल आरोहणमा दुईवटा विश्व कीर्तिमान कायम गरिसकेका थिए । किलि पेम्बाले गत असोजमा ८ हजार मिटर माथिका १४ वटा हिमालको सफल आरोहण गरेर विश्वक कीर्तिमान कायम गरेका थिए । त्यसैगरी उनले सन् २०२१ जनवरी १६ मा १० सदस्यीय आरोहण टोलीमा सहभागी भएर विश्वको दोस्रो अग्लो हिमाल के– टु को पहिलो शीतकालीन सफल आरोहण गरेर विश्व कीर्तिमान कायम गरेको उनका काका हिमआरोही दावाछिरी शेर्पाले बताए । किलि पेम्बा शेर्पा (किलु) विश्वको सर्वोच्च शिखर सगरमाथाको १५ पटक सफल आरोहण गरेका थिए । १८ बर्षको उमेर देखि भरीयाको रुपमा हिमाल आरोहणमा सहभागी भएका किलि पेम्बा शेर्पा (किलु) आरोहीको गाईड हुदै आरोहण क्षेत्रको विश्व किर्तिमानी समेत बनेका थिए । हिम पहिरोमा परेर मृत्यु भएका विश्वकिर्तिमानी आरोही किलि पेम्बा शेर्पा (किलु) को शव पाकिस्तानबाट नेपाल ल्याउन तत्काल पहल गरीदिन आरोही किलि पेम्बाका काका दावाछिरी शेर्पाले नेपाल सरकारसंग आग्रह गरेका छन् । दोलखाको गौरीशङ्कर गाउँपालिका वडा नम्बर– ९ का वडा अध्यक्ष निमा गेल्जी शेर्पा दुई वटा विश्व कीर्तिमान कायम गरीसकेका किलि पेम्बा शेर्पा (किलु) को आरोहणको क्रममा निधन भएको खबरले वडाका सबै नागरिक स्तब्ध भएको बताए । उनले किलि पेम्बाको निधनबाट वडालाई अपूरणीय क्षति पुगेको बताए । मृतकको शव नेपाल ल्याउने कुरामा वडाले पनि सम्बन्धित ठाउँमा आवश्यक पहल गर्ने वडा अध्यक्ष निमा गेल्जीले बताए
सुनसरीको देवानगञ्ज घटनामा मृत्यु भएका परिवारहरूले शव बुझ्न तयार भएका छन्। परिवार सहमत भएसँगै मृतकद्वय ओमप्रकाश मेहता र जयप्रकाश मेहताको शव पोस्टमार्टमका लागि कोशी अस्पताल पुर्याइएको छ। गृहमन्त्री सुधन गुरुङसँग बिहीबार राती औपचारिक सहमति भएपछि पनि देवानगञ्ज –३ कप्तानगञ्ज गोलीकाण्डमा मृत्यु भएका दुई युवाको शव बुझ्न आफन्तले आनाकानी गर्दै आएका थिए। यद्यपि सुनसरी प्रहरीले परिवारका सदस्य भेट गरेर शव बुझ्ने वातावरण बनाएको हो । पोष्टमार्टमपछि आजै अन्त्येष्टि गर्ने बताइएको छ । यसअघि आफन्तले दबाबमा आफूहरूलाई सहमतिपत्रमा हस्ताक्षर गराएको र सहमति कार्यान्वयनको सुनिश्चितता नभएको भन्दै शव नबुझि फर्किएपछि अन्योल सिर्जना भएको थियो। गत आइतबार राति देवानगञ्ज गाउँपालिका कप्तानगन्जमा दुई समुदायबिच भएको विवादका क्रममा सशस्त्र प्रहरीले गोली चलाउँदा स्थानीय ओमप्रकाश मेहताको सोही राति मृत्यु भएको थियो। गोली लागेर घाइते भएका जयप्रकाश मेहताको बिहीबार उपचारका क्रममा मृत्यु भएको थियो। दुवै मृतकको शव विराटनगरस्थित न्युरो अस्पतालको शव गृहमा राखिएको थियो।
रतुवामाई नगरपालिकाबाट प्रहरीले ठूलो परिमाणमा गाँजा बरामद गरेको छ। जिल्ला प्रहरी कार्यालय मोरङका अनुसार इलाका प्रहरी कार्यालय सिजुवाका अनुसार शुक्रबार दिउँसो प्रहरी र सशस्त्र प्रहरी बलको संयुक्त टोलीले १ हजार ३३ किलो गाँजा बरामद गरेको हो। कार्यालयका प्रमु्ख प्रहरी उपरीक्षक कवित कटवालले उर्लाबारी नगरपालिकातर्फबाट आमबारीतर्फ आउँदै गरेको को १ ख ४३७३ नम्बरको मिनि ट्रक चेकजाँचका क्रममा सो परिमाणको गाँजा बरामद भएको जानकारी दिए। उनका अनुसार गाजाँसहित ट्रकका चालक धनकुटास्थित पाख्रीवास नगरपालिका हिलेका २८ वर्षीय उमेश तामाङलाई नियन्त्रणमा लिइएको छ। दिउँसो अढाइ बजे शंका लागेर मिनि ट्रक रोकेर जाँच गर्दा ट्रकभित्र कालो प्लाष्टिकमा ३१ वटा पोका बनाएर भुसमुनी लुकाएर राखिएको अवस्थामा गाँजा भेटिएको हो। प्रहरीले नियन्त्रणमा रहेका तामाङ, मिनि ट्रकसहित गाजाँ इलाका प्रहरी कार्यालय सिजुवामा राखिएको जनाएको छ।