काठमाडौं । नेपाली कांग्रेसका सभापति गगनकुमार थापाले तराई क्षेत्रमा उत्पन्न घटनाक्रमबारे कोसी र मधेस प्रदेशबाट निर्वाचित पार्टीका जनप्रतिनिधिसँग छलफल गरेका छन् ।
केन्द्रीय कार्यालय सानेपामा उपलब्ध पदाधिकारी, केन्द्रीय सदस्यसँग भौतिक रूपमा र अन्यसँग जुममार्फत उनले छलफल गरेका हुन्। मधेस र कोसी प्रदेशमा उत्पन्न घटनाक्रमपछि सामाजिक सद्भाव कायम गराउनेतर्फ जनप्रतिनिधिलाई केन्द्रित गराउन थापाले छलफल गरेका हुन् ।
पाकिस्तानको ब्रेड पिक (८०४७ मी.) मा हिमपहिरोमा परी सम्पर्क विहीन भएका दोलखा गौरीशङ्कर गाउँपालिका वडा नम्बर– ९ बेदिङका ४५ बर्षिय किलि पेम्बा शेर्पा (किलु) को पनि शुक्रवार शव भेटिएको उनको काका हिमआरोही दावाछिरी शेर्पाले बताएका छन् । यस अघि अर्का नेपाली आरोही पुरबहादुर गुरुङ (युक्ता) को शव भेटिएको विवरण सार्वजनिक भएको थियो । नेपाल सरकारले भने अहिलेसम्म आरोहीहरु कसैको पनि निधन भएको पुष्टि गरेको छैन । पर्वतारोही निर्मल पुर्जा (निम्स दाइ) नेतृत्वको १० जनाको ब्रड पिक आरोहण टोलीमा नेपालका निर्मल पुर्जासहित किलि पेम्बा शेर्पा, पुरबहादुर गुरुङ (युक्ता), निमा शेर्पा, नावाङ थिन्दु शेर्पा र ग्यालु शेर्पा रहेका थिए । उक्त टोली विहिवार विहानै ८,०४७ मिटर उँचाईको ब्रोड पिक सफल आरोहण गर्ने लक्ष्यसहित अघि बढेको थियो । तर, विहिवार मध्यान्नतिर हिम पहिरोमा परेर उनीहरु सम्पर्क विहीन भएका थिए । हिम पहिरोमा मृत्यु भएका दोलखाका किलि पेम्बा शेर्पा (किलु) ले हिमाल आरोहणमा दुईवटा विश्व कीर्तिमान कायम गरिसकेका थिए । किलि पेम्बाले गत असोजमा ८ हजार मिटर माथिका १४ वटा हिमालको सफल आरोहण गरेर विश्वक कीर्तिमान कायम गरेका थिए । त्यसैगरी उनले सन् २०२१ जनवरी १६ मा १० सदस्यीय आरोहण टोलीमा सहभागी भएर विश्वको दोस्रो अग्लो हिमाल के– टु को पहिलो शीतकालीन सफल आरोहण गरेर विश्व कीर्तिमान कायम गरेको उनका काका हिमआरोही दावाछिरी शेर्पाले बताए । किलि पेम्बा शेर्पा (किलु) विश्वको सर्वोच्च शिखर सगरमाथाको १५ पटक सफल आरोहण गरेका थिए । १८ बर्षको उमेर देखि भरीयाको रुपमा हिमाल आरोहणमा सहभागी भएका किलि पेम्बा शेर्पा (किलु) आरोहीको गाईड हुदै आरोहण क्षेत्रको विश्व किर्तिमानी समेत बनेका थिए । हिम पहिरोमा परेर मृत्यु भएका विश्वकिर्तिमानी आरोही किलि पेम्बा शेर्पा (किलु) को शव पाकिस्तानबाट नेपाल ल्याउन तत्काल पहल गरीदिन आरोही किलि पेम्बाका काका दावाछिरी शेर्पाले नेपाल सरकारसंग आग्रह गरेका छन् । दोलखाको गौरीशङ्कर गाउँपालिका वडा नम्बर– ९ का वडा अध्यक्ष निमा गेल्जी शेर्पा दुई वटा विश्व कीर्तिमान कायम गरीसकेका किलि पेम्बा शेर्पा (किलु) को आरोहणको क्रममा निधन भएको खबरले वडाका सबै नागरिक स्तब्ध भएको बताए । उनले किलि पेम्बाको निधनबाट वडालाई अपूरणीय क्षति पुगेको बताए । मृतकको शव नेपाल ल्याउने कुरामा वडाले पनि सम्बन्धित ठाउँमा आवश्यक पहल गर्ने वडा अध्यक्ष निमा गेल्जीले बताए
सुनसरीको देवानगञ्ज घटनामा मृत्यु भएका परिवारहरूले शव बुझ्न तयार भएका छन्। परिवार सहमत भएसँगै मृतकद्वय ओमप्रकाश मेहता र जयप्रकाश मेहताको शव पोस्टमार्टमका लागि कोशी अस्पताल पुर्याइएको छ। गृहमन्त्री सुधन गुरुङसँग बिहीबार राती औपचारिक सहमति भएपछि पनि देवानगञ्ज –३ कप्तानगञ्ज गोलीकाण्डमा मृत्यु भएका दुई युवाको शव बुझ्न आफन्तले आनाकानी गर्दै आएका थिए। यद्यपि सुनसरी प्रहरीले परिवारका सदस्य भेट गरेर शव बुझ्ने वातावरण बनाएको हो । पोष्टमार्टमपछि आजै अन्त्येष्टि गर्ने बताइएको छ । यसअघि आफन्तले दबाबमा आफूहरूलाई सहमतिपत्रमा हस्ताक्षर गराएको र सहमति कार्यान्वयनको सुनिश्चितता नभएको भन्दै शव नबुझि फर्किएपछि अन्योल सिर्जना भएको थियो। गत आइतबार राति देवानगञ्ज गाउँपालिका कप्तानगन्जमा दुई समुदायबिच भएको विवादका क्रममा सशस्त्र प्रहरीले गोली चलाउँदा स्थानीय ओमप्रकाश मेहताको सोही राति मृत्यु भएको थियो। गोली लागेर घाइते भएका जयप्रकाश मेहताको बिहीबार उपचारका क्रममा मृत्यु भएको थियो। दुवै मृतकको शव विराटनगरस्थित न्युरो अस्पतालको शव गृहमा राखिएको थियो।
