सुर्खेत। सुर्खेतकाे चौकुने गाँउपालिकामा लक्ष्मी सनराईज बैँकको एटीएम सञ्चालनमा आएको छ । चौकुने गाउँपालिका वडा नं. ८ स्थित लक्ष्मी सनराईज बैंकको शाखा कार्यालयको भवनबाटै एटीएम सेवा सञ्चालनमा ल्याईएको हो। एक कार्यक्रमका बिच चौकुने गाउँपालिकाका अध्यक्ष खडक बिवस् वासपाने र वडा न ८ का वडा अध्यक्ष कमल जि सीले रिबन काटेर एटीएमको उद्घाटन गर्नुभएको थियो। चौकुने गाउँ पालिका बासीहरूले एटीएमबाट छिटो र छरितो रूपमा सेवा सुबिधा लिन पाउने भन्दै शाखा प्रबन्धक तथा बैँकका सम्पूर्ण कर्मचारीलाई पालिका अध्यक्ष खडक बिवसले बधाई समेत दिनुभयो।

अहिलेको आईटिको जमानामा सेवा सुबिधा सुलभ रूपमा ग्राहकहरूलाई उपलब्ध गराउन र लामो लाईनमा बस्नु पर्ने झन्झट बाट मुक्ति दिनका लागि लक्ष्मी सनराईज बैँकले चौकुनेमा एटीएम सञ्चालनमा ल्याईएको बैँकका शाखा प्रबन्धक बिक्रम डाँगीले बताउनुभयो