ताप्लेजुङ
ताप्लेजुङको आठराई त्रिवेणी गाउँपालिकामा गठबन्धन संग एक्लै भिडेको एमालेले जित आफ्नो पोल्टोमा पारेको छ । गठबन्धन तर्फबाट काँग्रेसका प्रतिद्वन्द्वीलाई हराउँदै एमालेका दिपेन पोमुले ३ हजार ३६ मत प्राप्त गर्दै प्रमुख पदमा जित हासिल गरेका हुन् । काँग्रेसका विश्वनाथ सिटौलाले भने २ हजार ५२६ मत मात्र प्राप्त गरेका छन् ।
यस्तै उपप्रमुख पदमा पनि एमालेकै शान्ता आङ्बुहाङले २ हजार ८१९ मत प्राप्त गर्दै जित हासिल गरेकी छन् । आङ्बुहाङले गठबन्धनका तर्फबाट उम्मेदवारी दिएका नेकपा माओवादी केन्द्रका प्रजिन हाङ्बाङलाई पछि पार्दै जित हासिल गरेकी हुन् ।
स्थानीय तह निर्वाचन २०७९ मा ताप्लेजुङमा कहिल्यै नजितेको एमालेको यो पहिलो जित हो ।
