Search
Generic filters

सत्ता गठबन्धनका मेयर र उप-मेयर उम्मेदवारमा जताततै पुरुष उम्मेदवारको दबदबा

काठमाडौं । निर्वाचन आयोगले दलहरूबाट महानगर, नगर र गाउँपालिकामा उम्मेदवार दिँदा प्रमुख वा उपप्रमुखमध्ये कुनै एकमा अनिवार्य महिला हुनुपर्ने व्यवस्था गरेको छ । सोहीअनुसार गत २०७४ को स्थानीय चुनावमा प्रमुख वा उपप्रमुख कुनै एकमा महिलाको उपस्थित सुनिश्चित भएको थियो । तर २०७९ को स्थानीय तहको निर्वाचनमा आउँदा सत्तारूढ दलको स्वार्थका कारण धेरै ठाउँमा महिला उम्मेदवार हुनबाट वञ्चित भएका छन् ।

सत्ता गठबन्धनले महानगर र उप-महानगरमा गरेको गठजोडमा अधिकांशमा पुरुष उम्मेदवार बढी देखिएका छ्न् । सत्ता गठबन्धनले ६ मध्ये २ महानगरपालिकामा महिलालाई मेयरको उमेदवार बनाएका छन् । निर्वाचन आयोगले स्थानीय तह, नगरपालिका र महानगरमा प्रमुम वा उपप्रमुखमध्ये कुनै एकमा मात्रै उम्मेदवारी दिए सुरुमा महिलालाई प्राथमिकता दिनुपर्ने भनेको थियो । तर, सो आचारसंहितालाई निर्वाचन आयोगले सच्याउँदै कुनै एक पदमा उम्मेद्वार दिँदा महिला अनिवार्य हुने वाक्यांश हटाएसँगै हाल महानगर र उपमहानगरमा पुरुष उम्मेदवारको संख्या बढी देखिएको हो ।

तर सबै भन्दा ठुलो प्रतिपक्ष दल नेकपा एमालेमा भने महिला पुरुष उम्मेदवार समानन्तर देखिएका छ्न् ।

निर्वाचन आयोगलेनै सत्तारूढ दललाई सहयोग हुनेगरी सजिलो बनाइदिएपछि मेयर महिलाको संख्या न्यून देखिएको हो । २०७४ को निर्वाचनमा भरतपुर महानगरपालिकामा मात्रै प्रमुखमा महिला थिए । माओवादी केन्द्र र कांग्रेस गठबन्धनबाट रेणु दाहाल भरतपुरको मेयर बनेकी थिइन् । अहिले पनि उनै दाहाल गठबन्धनको तर्फबाट मेयरमा उम्मेदवारी दिएकी छन् ।

त्यस्तै सत्ता गठबन्धनबाट काठमाडौं महानगरपालिकाको मेयरमा सिर्जना सिंहले उम्मेदवार बनेकी छन् । सत्ता गठबन्धन कांग्रेसको तर्फबाट सिंहलाई अघि सारिएको हो । यस्तै, नेकपा एमालेले जितपुर सिमरा उपमहानगरपालिका र धरान उपमहानगरपालिकामा प्रमुखमा महिलालाई अघि सारेको छ । जितपुर सिमरामा यसअघि २०७४ मा उपप्रमुख बनेकी सरस्वतीदेवी चौधरी एमालेबाट मेयरको उम्मेदवार बनेकी छन् । धरानमा उमपमेयर बनिसकेकी मञ्जु भण्डारी हाल मेयरमा उम्मेदवार बनेकी छन् ।

सत्ता गठबन्धनको सहयोगमा एकीकृत समाजवादीबाट हटौडामा उपमहानगरपालिकामा मीना लामालाई उम्मेदवार बनाएको छ । यसअघि २०७४ को निर्वाचनमा एमालेबाट लामाले उपमेयरमा जितेकी थिइन् । पार्टी विभाजनपछि एकीकृत समाजवादीमा लागेकी थिइन् । यो पटक गठबन्धनका कारण ललितपुर महानगरपालिकाले मेयर र उपमेयरमा दुवै जना पुरुषलाई उम्मेदवार बनाएको छ । निर्वाचन आयोगले कुनै एक पदमा उम्मेदवार दिए महिला अनिवार्य हुने आचारसंहिता हटाएसँगै हाल धेरै पालिकामा पुरुष उम्मेदवार हाबी भएका हुन् ।

मेयरमा कांग्रेसका चिरिबाबु महर्जन छन् भने नेकपा माओवादी केन्द्रका बाबुराजा बज्राचार्य उपमेयरको उम्मेदवार बनेका छन् । त्यस्तै, विराटनगरमा सत्ता गठबन्धनले दुवै जना पुरुष उम्मेदवार उठाएका छन् । विराटनगर महानगरमा कांग्रेसको तर्फबाट नागेश कोइराला मेयरमा उम्मेदवार दिएका छन् भने जसपाबाट अमरेन्द्र यादव उम्मेदवार बनेका छन् । वीरगन्ज महानगरपालिकामा गठबन्धनका तर्फबाट मेयरको उम्मेदवार राजेशमान सिंह बनेका छन् भने उपमेयरमा इम्तियाज आलम उपमेयर उम्मेदवार बनेका छन् ।

सत्ता गठबन्धनमा मात्रै होइन एमालेले गठबन्धन गरेको वीरगन्जमा एमालले विजय सरावगीले मेयरमा उम्मेदवार दिएका छन् भने लोकतान्त्रिक समाजवादी पार्टीबाट पुरुषोत्तम झा उपमेयरमा उम्मेदवार दिएका छन् ।

११ उपमहानगरपालिकामध्ये धरानमा गठबन्धनको तर्फबाट किशोर राई मेयरका उम्मेदवार बनेका छन् भने उपमेयरमा माओवादीका अइन्द्रविक्रम बेघा उम्मेदवार बनेका छन् । त्यस्तै, इटहरीमा हेमकर्ण पौडेल कांग्रेसका तर्फबाट मेयरको उम्मेदवार बनेका छन् भने एकीकृत समाजवादीका केशवकुमार विष्टले उपमेयरमा उम्मेदवारी दिएका छन् । जनकपुर उपमहानगरपालिकामा जसपाले लालकिशोर साहलाई मेयरको उम्मेदवार बनाएको छ भने कांग्रेसका किशोरी साहलाई उपमेयर उम्मेदवार बनेका छन् ।

बुटवलमा गठबन्धनको तर्फबाट नेपाली कांग्रेसका खेलराज पाण्डेले मेयरमा उम्मेदवारी दिएका छन् भने एकीकृत समाजवादीका चीनबहादुर गुरुङ उपमेयरको उम्मेदवार बनेका छन् । घोराही नगरपालिकामा नेकपा माओवादी केन्द्रका हेमराज शर्माले मेयरमा र कांग्रेसका भुपबहादुर डाँगी उपमेयरको उम्मेदवार दिएका छन् ।

तुलसीपुरको मेयरमा नेपाली कांग्रेसका गेहेन्द्र गिरी मेयर र एकीकृत समाजवादीका जंगबहादुर राना मगर उपमेयरको उम्मेदवार दिएका छन् । नेपालगन्ज उपमहानगरपालिकामा प्रशान्त विष्ट मेयर र कमरुद्धिन राई उपमेयरका उम्मेदवार बनेका छन् । राजधानि दैनिकमा समाचार छ ।

गुराँस गाउँपालिकामा मतदातालाई पैसा बाड्न गएका काँग्रेस नेता पक्राउ
फोटो फाईल : गोपाल खड्का दैलेख । निर्वाचनको मौन अवधिमा मतदातालाई प्रलोभनमा पार्ने सामाग्री बाढेर फर्किदै गरेको अवस्थामा नेपाली काँग्रेस गुराँस गाउँपालिकाका सचिव जगत वि.सी. र गुराँस गा.पा. वडां ८ का वडा...
पुरा पढ्नुहोस् ..
एमालेबाट वीरेन्द्रनगरको मेयरमा मोहनमाया ढकाल, उप-मेयरमा निलकण्ठ खनाल
सुर्खेतको वीरेन्द्रनागरको मेयरमा नेकपा एमालेकी तर्फबाट मोहनमाया ढकालले आज सोमबार मनोनयन दर्ता गरेकी छ्न् । त्यस्तै उप-मेयरमा निलकण्ठ खनालले उम्मेदवारी दर्ता गरेका छ्न् । वीरेन्द्रनगर मुख्य निर्वाचन अधिकृतको...
पुरा पढ्नुहोस् ..
१० अर्बको नयाँ नोट आयो, आम सर्वसाधारणले १४ गतेसम्म साटन पाउने
काठमाडौँ — हरेक बर्ष झै दसैं, तिहार र छठका लागि नेपाल राष्ट्र बैंकले १० अर्ब रुपैयाँ बराबरको नयाँ नोट निकालेको छ । बैंक तथा वित्तीय संस्था, अन्य संघसंस्था र सर्वसाधारणका लागि उक्त नयाँ नोट निकालिएको राष्ट्र...
डलरको भाउ हालसम्मे कै उच्च
अश्विन ९, सुर्खेत । नेपाल राष्ट्र बैंकले सार्वजनिक गरेको विनिमय दर अनुसार आइतबार नेपालीले एक डलर साट्नको लागि १२९ रुपैयाँ ८९ पैसा खर्चिनु पर्ने भएकाे छ । यस्तै, आइतबार खरिददर पनि १२९ रुपैयाँ २९ पैसा कायम...
थप ..
१० अर्बको नयाँ नोट आयो, आम सर्वसाधारणले १४ गतेसम्म साटन पाउने
काठमाडौँ — हरेक बर्ष झै दसैं, तिहार र छठका लागि नेपाल राष्ट्र बैंकले १० अर्ब रुपैयाँ बराबरको नयाँ नोट निकालेको छ । बैंक तथा वित्तीय संस्था, अन्य संघसंस्था र सर्वसाधारणका लागि उक्त नयाँ नोट निकालिएको राष्ट्र...
डलरको भाउ हालसम्मे कै उच्च
अश्विन ९, सुर्खेत । नेपाल राष्ट्र बैंकले सार्वजनिक गरेको विनिमय दर अनुसार आइतबार नेपालीले एक डलर साट्नको लागि १२९ रुपैयाँ ८९ पैसा खर्चिनु पर्ने भएकाे छ । यस्तै, आइतबार खरिददर पनि १२९ रुपैयाँ २९ पैसा कायम...
जनार्दन शर्मामाथि छानबिन गर्न आज संसदीय छानबिन समितिको बैठक बस्दैछ
बजेट निर्माणमा अनाधिकृत व्यक्तिलाई प्रवेश गराएको आरोप लागेका पूर्व अर्थमन्त्री जनार्दन शर्मामाथि छानबिन गर्न बनेको संसदीय छानबिन समितिको बैठक बस्न लागेको हो।बैठकले आज अर्थ मन्त्रालयका सचिव र राजश्व सचिवसँग...
पुरा पढ्नुहोस् ..
मेरो पनि भन्नु छ !
समसामयिक विषयमा तपाइँलाई केही भन्नु छ ? आफना विचार लेख्नुहोस । तपाइँका विचार नेपाल दर्पण प्रकाशन गर्नेछौं ।
Search
Generic filters