दैलेखको गुराँस गाँउपालिकाले पालिका क्षेत्र वरिपरी, मुख्य बजार क्षेत्र, सबै वडा कार्यालय, सबै बिद्यालय, भ्यू टावर, मन्दिर क्षेत्र लगाएत सबै सरकारी कार्यालयहरुमा एकसाथ बृक्षारोपण गरेको छ । १२ औ अधिवेशनमा ग्रिन क्षेत्रका लागि काम गर्ने घोषण गरेको पालिकाले लगत्तै बृक्षारोपण गरेको हो ।
सबै वडाहरुमा बृक्षारोपणका लागि पालिकाको आयोजना अनुसार काम भएको र पालिकाको यो कामलाई सोसेक नेपाल र ग्रिन कणर्ाली परियोजनाले सहयोग गरेको पालिकाका अध्यक्ष टोप बिसीले बताएका छन् । उनले भने हामीले योजना बद्ध रुपमा गुराँस गाउपालिकामा एक घर एक बगैचा बनाउने सोच बनाएका छौ । र यसैलाई सार्थक बनाउनका लागि पनी यो बृक्षारोपण गरिएको हो ।
अध्यक्ष बिसीले अन्य बिरुवा रोप्नु भन्दा पनी यहाँको माटो सुहाउदो र यो भुमिमा फल्न र फुल्न सक्ने बिरुवाहरु रोपेको बताएका छन् । कार्यक्रमलाई अध्यक्ष बिसीले चन्दनको बिरुवा रोपेर सुरुवात गरेका थिए ।
पालिका र सबै वडाहरुमा लगभग पाँच हजार भन्दा धेरै बिरुवा रोपिएको पालिकाका प्रवत्ता तथा गुराँस गाँउपालिका वडा नम्बर ८ का वडा अध्यक्ष दिपेन्द्र वलीले बताएका छन् । उनले भने यो हाम्रो सुरुवात मात्रै हो । अब पालिकामा धेरै बिरुवा रोपिने छन र १२ औ अधिवेशनको घोषणालाई साकार पार्नका लागि अन्य थुप्रै बृक्षारोपण कार्यक्रमहरु संचालन गरिनेछन् ।
बृक्षारोपण कार्यक्रममा पालिकाका कर्मचारीहरु, सुरक्षा कर्मीहरु, लगाएत स्थानिय बुद्धीजिवीहरुको संलग्नता रहेको उनले बताएका छन् ।
