कालीकोट | कालीकाेटमा कर्णाली नदीमा ट्र्याक्टर खस्दा एक जना बेपत्ता भएका छन् । कर्णाली करिडोर अन्तर्गत मुगुबाट सुर्खेत जाँदै गरेको भे १ त ६८१ नम्बरको ट्र्याक्टर पचालझरना गाउँपालिकाको महखोला नजिकैबाट कर्णाली नदीमा खसेकाे हाे ।
ट्र्याक्टरका चालक खत्याड-६ मुगुका तिलकराज बुढथापा नदीमा बेपत्ता हुनुभएकाे जिल्ला प्रहरी कार्यालय कालीकोटका प्रमुख डीएसपी जयश्यर रिमालले जानकारी दिए । बेपत्ता थापाको खोजी भइरहेको उनले बताएका छन् ।
