यी ५ फल भुलेर पनि फ्रिजमा राख्नुहुन्न

चर्काे गर्मीमा खानेकुरा चाँडै बिग्रिन्छ । विशेष गरी हरियो फलफुल र तरकारीहरु छिटो बिग्रिने गर्छ । यो खानेकुरालाई छिटो नविग्रियोस भनेर हामी फ्रिजमा राख्दछौ ।
तर विज्ञहरूले केहीफलफूललाई फ्रिजमा नराख्न सुझाव दिँदै आएका छन । यस्तो गर्दा ती फलफूलको स्वाद त बिग्रन्छ नै पोषक त्तत्व पनि घट्न सक्छ । आजको यस लेखमा हामीहरू कुन फलफूललाई फ्रिजमा नराख्ने भन्नेबारे जानकारी गर्नेछौँ ।
केरा
द गार्डियनको रिपोर्टअनुसार केरालाई कहिल्यै पनि फ्रिजमा राख्नु हुँदैन । फ्रिजमा राख्दा यसको बोक्रा कालो हुन थाल्छ र स्वादमा परिवर्तन आउन थाल्छ । केरा तातो हावापानीमा फल्छ । केरालाई चिसो तापक्रममा राखियो भने पाक्न मद्दत गर्ने इन्जाइमले काम गर्न छोड्छ । चिसोले केराका कोशिकाहरूलाई क्षति पुर्‍याउँछ ।
खरबुजा
खरबुजामा पर्याप्त मात्रामा पानी पाइन्छ । गर्मीको बेलामा यसलाई चिसो बनाउन भनेर फ्रिजमा राख्छौँ । तर, खरबूजालाई पनि फ्रिजमा राख्नु हुँदैन । यसो गर्नाले यसमा पाइने एन्टि अक्सिडेन्ट कम हुने र यसको पौष्टिकता पनि कम हुने विज्ञहरूको विश्वास छ । त्यसैले विज्ञहरू खरबूजालाई फ्रिजमा नराख्ने सल्लाह दिन्छन् ।
मेवा
गर्मीमा मेवाको खपत पनि निकै धेरै हुन्छ । धेरैले मेवा छिट्टै नबिग्रियोस् भनेर यसलाई फ्रिजमा राख्छन् । तर, मेवालाई फ्रिजमा राख्दा यसको स्वाद र बनावटमा परिवर्तन आउन सक्छ । साथै स्वास्थ्यलाई पनि स्वस्थ हुदैन ।
आँप
वर्षाको समयमा प्रशस्त मात्रामा पाइने फल हो आँप हो । यसलार्ई फलफूलको राजा भनिन्छ । यसलाई पनि फ्रिजमा राख्ने गल्ती गर्नुहुन्न । चिसो तापक्रमले आँपको स्वाद र बनावटमा असर पुर्‍याउँछ । चिसोका कारण आँपमा कालो धब्बाहरू देखिन्छन् । आँपलाई कोठाको तापक्रममा मात्र भण्डार गर्नुपर्छ । स्वभाविक रूपमा, आँप ७ देखि १४ दिनसम्म खानयोग्य रहन्छ । त्यसैले यसलाई फ्रिजमा राख्नु पर्दैन ।
भुँइकटहर
भुँइकटहरलाई फ्रिजमा राख्दा यसको बनावट र स्वाद बिग्रन्छ । चिसोले भुँइकटहरलाई धेरै नरम बनाइदिन्छ र प्राकृतिक स्वाद परिवर्तन गर्दछ । कोठाकै तापक्रममा यसलाई राख्दा बरु ताजापन कायम राख्न मद्दत मिल्छ ।
यी पाँच फल छन, जो फ्रिजमा राखेर खादा पोषक त्तत्व हराएर जान्छ । यसको सेवन अर्थपुणर् हुदैन ।