चिया सिडको सेवनले महिलाका लागि अचुक फाइदाहरू

अहिलेको समयमा नेपालमा चिया सिडको प्रयोग अत्याधिक बढेको पाइन्छ । महिलाहरुको स्वास्थ स्फुर्त बनाउनका लागि यस्को प्रयोग गरेको पाइन्छ । जस्तै तौल घटाउन, छालालाई सुन्दर बनाउन र अन्य कयौँ बिमारीबाट बच्न यो सिड निकै उपयोगी छ । महिलाका लागि यो सुपर फुडभन्दा कम छैन ।

चिया सिडमा पर्याप्त मात्रामा भिटामिन, फाइबर, प्रोटिन, ओमेगा-३, फ्याक्टी एसिड, क्याल्सियम, म्याग्नेसियम र फस्फोरस पाइन्छ । महिलाहरूले यसलाई आफ्नो आहारामा मिसाएर आफैँलाई स्वस्थ र फिट बनाउन सक्छन् । चिया सिड सेवनले हड्डी मजबुत रहन्छ । चिनीको मात्रा नियन्त्रणमा रहन्छ । । यो तौल घटाउनदेखि मुटुसम्म अनेकौँ समस्याबाट छुटकारा दिनेछ ।

चिया सिड कपालका लागि रामवाण भन्दा कम छैन । यसको दिनहु सेवनले कपालको ग्रोथ राम्रो हुन्छ । यसले कपाललाई भित्रैसम्म पोषण दिन्छ । यसले कपाललाई टुक्रिन र झर्नबाट पनि बचाउँछ । यसको सेवनले हड्डी बलियो रहन्छ । चिया सिडमा पाइने फस्फोरस र म्याग्नेसियमले कपालको जरालाई बलियो बनाउँछ ।

छालाका लागि रामवाण
चिया सिडको नियमित सेवनले समय अगावै बुढ्यौलीको निशानी आउँदैन । यसले मुहारमा गज्जबको ग्लो ल्याउँछ । यसलाई खाँदा छाला हाइड्रेट रहन्छ । यसमा पाइने प्रोटिनले छालामा भएका क्षतिहरूको मर्मत गर्छ र तपाईलाई जवान अनि सुन्दर देखाउँछ । चिया सिडमा ओमागा-३ फ्याटी एसिड प्रचुर मात्रामा पाइन्छ । एन्टिअक्सिडेन्टले फ्री रेडिकलसँग लडन उपयोगी हुन्छ ।

तौल घटाउन सहयोगी
चिया सिडको सेवनले वजन बढ्दैन । न त मोटोपनाको समस्या नै आउँछ । तपाई आफ्नो तौल घटाउन चाहनु हुन्छ भने आफ्नो भोजनमा चिया सिडलाई समावेश गर्नुहोस् । यसमा पाइने सल्युबल फाइबरले पाचनलाई ठिक गर्छ । लामो समयसम्म पेट भरिएको महसुस हुन्छ । अपच र एसिडीटीको समस्या हुँदैन ।

हड्डीलाई मजबुत बनाउँछ
चिया सिडमा प्रचुर मात्रामा क्याल्सियम पाइन्छ । यसले हड्डीलाई बलियो बनाउँछ । यसमा फस्फोरस र म्याग्नेसियम जस्ता खनिज पनि पाइन्छ । यिनीहरू पनि हड्डीको स्वास्थ्यका लागि राम्रो हुन्छन । लामो समयसम्म चिया सिडको सेवन गर्दा हड्डीसँग सम्बन्धी रोगहरू लाग्ने खतरा पनि कम हुन्छ । यस्को प्रयोगले महिलाहरुलाई सधै उर्जा पैदा हुन्छ ।