शरिरलाई कसरी स्वस्थ र स्फुर्त बनाउने हेर्नुहोस

बुद्धले भनेका छन, ‘मानिसले जे सोच्छ, त्यही बन्छ ।’ हामीले जीवनलाई आनन्दित र व्यवस्थित बनाउन सकारात्मक सोच्न जरुरी छ । यसका लागि आहार, विहार र विचार सन्तुलनमा हुनुपर्छ । हाम्रो आहार अनुसारको ब्यवहार बनाउन जरुरी छ ।

राम्रो निद्रा ः एक वयस्क व्यक्तिले कम्तीमा आठ घण्टा सुत्न जरुरी छ । त्यसैले रातको समय कठिन व्यायाम गर्ने, अधिक समय टिभी हेर्ने वा मोबाइलमा बिताउने नगर्नुस । बिहान तपाईं उठ्दा आठ घण्टाको निद्रा पुगेको हुनुपर्ने भएकाले बेलुकी चाँडै सुत्नुस । बिहान उठ्नेबित्तिकै मनतातो पानी पिउनुस । तपाईंको स्वास्थ्य राम्रो हुनका लागि शरीर हाइड्रेट हुन जरुरी छ । । कागती पानी पिउँदा पनि हुन्छ । त्यसपछि अर्गानिक चिया पिउन पनि सक्नुहुन्छ ।
वातावरण ः कोठाको वातावरणलाई पनि स्वच्छ राख्न जरुरी छ । त्यसका लागि बिहान ओछ्यान मिलाउने, कोठा सफा गर्नेजस्ता गतिविधि गर्न सक्नुहुन्छ । यसले तपाईंलाई शारीरिक र मानसिक रूपमा ऊर्जावान् बनाउँछ । हामीले कस्तो वातावरण बनाउने भन्ने कुराले जीवनमा महत्वपूणर् भूमिका खेल्ने भएकाले हरेक दिनको सुरुवात कोठाका सामान मिलाएर गर्न सक्नुहुन्छ । सामान भद्रगोल हुँदा हाम्रो मानसिकता पनि भद्रगोल हुन्छ र सामान अर्डरमा रहँदा हाम्रो मानसिकता पनि सकारात्मक भएर जान्छ । सम्भव भएसम्म स्वच्छ हावा आउने, अक्सिजनको प्रवाह हुने ठाउँमा बस्नुपर्छ । सहरी क्षेत्रमा इन्डोर प्लान्ट्स रोप्न सकिन्छ । यसले अक्सिजनको पर्याप्त प्रवाह गर्छ र प्राकृतिक वातावरणको महसुस गराउँछ  ।

योगा/ध्यान ः तपाईंले योगा र ध्यानलाई आफ्नो दैनिक रुटिनमा समावेश गर्नुपर्छ । योगले तपाईंको शरीरलाई स्वस्थ राख्छ । त्यस्तै, ध्यानले मस्तिष्कको कार्यक्षमता बढाउँछ । त्यसैले दैनिक कम्तीमा आधा घण्टा योग वा ध्यानका लागि
छुट्याउनुस । योगा र ध्यानले अघिल्लो दिनको तनाव कम हुन्छ ।

स्वस्थ ब्रेकफास्ट ः ब्रेकफास्टमा के लिने भन्ने कुरा सधैँ महत्वपूणर् हुन्छ । हामीले जस्तो खान्छौँ, हाम्रो प्रवृत्ति र मन पनि त्यस्तै बन्छ । जंकफुड तथा मसालेदार खानेकुराबाट सकभर टाढा रहनु राम्रो हुन्छ । घरमै बनाएको खानेकुरा खानुपर्छ । हामीले रेसायुक्त खानेकुराहरू अत्यधिक खान जरुरी छ । बोक्रासहितका फलफूल, सागपात, ह्वाइट राइसको साटो ब्राउन राइस, मैदाको साटो आँटालगायतले स्वास्थ्यलाई राम्रो गर्छ । काजु, बदामलगायत ड्राई फुड्स खानुपर्छ । ओखर, फर्सीको बियाँले स्मरण शक्ति बढाउने हुँदा यस्ता खानेकुरा ब्रेकफास्टमा समावेश गर्नु राम्रो हुन्छ ।

विचार ः सबैभन्दा ठूलो शक्ति विचारकै हो । बुद्धले पनि जे सोच्छौँ, त्यही बन्छौँ भनेका छन् । हामीले जे कुरा दोहोर्‍याउँछौँ । हाम्रो जीवन पद्धति पनि त्यस्तै बन्न पुग्छ । त्यसैले हामीले सधैँ सकारात्मक सोच्नुपर्छ । हरेक दिन तनाव बोकेर उठ्यौँ भने जीवनशैली पनि बिग्रँदै जान्छ । विभिन्न परिस्थितिबाट विचलित हुने र त्यसैमा घोत्लिने गर्न थाल्यौँ भने नकारात्मक विचार हाबी हुन्छ । आजको दिनमा के राम्रो गर्न सकिन्छ भनेर सोच्नुपर्छ । सकारात्मक सोचले सकारात्मक ऊर्जा पैदा गर्छ ।
यी सबै बानी बसाल्दा लक्ष्य पुरा गर्नमा पनि मदत पुर्याउछ र शान्त जीवनशैली बनाउन सकिन्छ ।