आजकल सानै उमेरमा कपाल सेतो हुने समस्याले धेरैलाई सताएको छ, तर कम उमेरमा कपाल किन सेतो हुन्छ कसैलाई पनि छैन । स्वास्थ्य विज्ञहरूका अनुसार बढ्दो प्रदुषण, खानपानमा गडबडी र तनावले कपालमा नकारात्मक असर पार्छ ।
सामान्यतया ५० वर्षपछि मात्र कपाल सेतो हुने गर्छ तर आजकल २० देखि ३० वर्ष वा सोभन्दा कम उमेरमा कपाल सेतो हुने समस्या हुने गरेको छ । विज्ञहरू भन्छन्, उमेर बढ्दै जाँदा, कपालको फोलिकल्समा रङको उत्पादन घट्छ । जसका कारण यस्तो समस्या हुने गरेको हो ।
कपालको रंग कस्तो ?
कपालमा फोलिकल्समा पिग्मेन्ट उत्पादन गर्ने कोशिकाहरू हुन्छन् । तिनीहरूले मेलानिन नामक रसायन बनाउँछन् । यसले कपाललाई कालो बनाउने काम गर्छ । जब बुढ्यौली सुरु हुन्छ, यी कोशिकाहरू पनि मर्न थाल्छन् । मेलानिनको कमीका कारण पनि नयाँ कपालमा समस्या आउने गर्छ ।
उमेर बढ्दै जाँदा कपाल सेतो हुनु सामान्य कुरा हो तर यो समस्या सानै उमेरमा सुरु भएपछि समस्या निम्त्याउँछ । धेरै तनाव लिनु वा अन्य कुनै स्वास्थ्य समस्या पनि यसको लागि जिम्मेवार हुन सक्छ । अनुसन्धानका अनुसार कपाल सेतो हुनु धेरै हदसम्म जीनमा निर्भर हुन्छ । यदि ३० वर्षको उमेरमा आमाबुवाको कपाल सेतो भएको भए यो उमेरमा बच्चाको पनि कपाल सेतो हुने सम्भावना बढी हुन्छ ।
कपाल सेतो हुनुको कारण ः
भिटामिन बी १२ को कमी
न्यूरोफाइब्रोमैटोसिस, एक वंशाणुगत रोग जसले तंत्रिका, हड्डी र छालालाई असर गर्छ ।
भिटिलिगोको समस्या भनेको मेलानोसाइट्सको रंग हराउनु हो ।
एलोपेसिया एरियाटाको समस्याले कपाल झर्छ र सेतो पनि हुन सक्छ ।
कपाल सेतो हुन कसरी रोक्ने ?
रोक्न एन्टिअक्सिडेन्ट चिज बढी खाने ।
सकेसम्म तरकारी र फलफूलको सेवन गर्ने ।
धुम्रपानबाट टाढा रहने ।
पर्याप्त भिटामिन बी १२ उपभोग गर्ने ।
खानामा खनिजहरू समावेश गर्ने ।
