Search
Generic filters

पल शाहले अडियो रेकर्ड आफ्नो भएको स्वीकार, प्रहरीमा दिए बलात्कार नगरेको बयान

पल शाह

नाबालिग भनिएकी गाईकाको उजुरी अभियोग पत्रमा नीहरू म्युजिक भिडिओ सुटिङका दौरान गत वैशाख १४ गते तनहुँको दुलेगौंडास्थित प्रदीप थापाको घरमा बास बसेका थिए। सोही रात शाहले नाबालिग गायिकालाई बलात्कार गरेको उल्लेख छ ।

बलात्कारमा पर्ने वेला गायिका १५ वर्ष ९ महिनाकी भएकाले दोषि भनिएका शाहलाई १२ देखि १४ वर्षसम्म जेल सजाय हुनुपर्ने माग छ । मतियार रुपमा पेश गरिएका पलका म्यानेजर जोशीलाई भने पल शाहलाई हुने सजायको आधा सजाय हुनुपर्ने माग गरिएको छ ।

अदालतले मंगबारसम्म शाहको बयान लिईसकेको छ । म्यानेजर जोशीसँग भने आज बुधबार बयान लिने अदालतको तयारी छ ।
अनुसन्धान अधिकृतलाई दिएको बयान अनुसार पलशाहले बलात्कार अस्वीकार गरेका छ्न् । शाहले मध्यरातमा नाबालिग गायिका सुतेको कोठामा गएर आफुले खाएर बाँकी रहेको बियर दिएर फेसवास लिएर फर्किएको बयान दिएका छ्न् ।

शाहले बयानमा भनेका छन्, ‘राती अबेरसम्म बियर खाँदै पीडित र मैले म्यासेज आदानप्रदान गर्दै अन्दाजी ११ः४५ बजेतिर हामीले खाएर बाँकी रहेको बियर लिएर पीडित सुतेको कोठामा गई ढोका धकेली भित्र पसी निजलाई बियर खान दिई, फेसवास लिएर म आफ्नो कोठामा गई कमल खत्रीसँग सुतेको हुँ, ।

प्रहरीले लिएको बयानमा गायक खत्रीले भने आफू पहिल्यै सुत्न गएको र शाह कति बेला आफू सुतेको कोठामा आएर सुते भन्ने थाहा नभएको बताएका छन् ।

शाहले गायिका १८ वर्षभन्दा कम उमेरको रहेको कुरा आफूलाई पूर्ण रूपमा जानकारी भएको बताएको पनि अभियोगपत्रमा उल्लेख छ ।

नाबालिगले गत जेठ अन्तिममा फोन गरेर आफ्नो महिनावारी रोकिएको बताएको पलले बयानमा भनेका छन् । त्यसपछि घटना मिलाउन असारमा पीडित, उनकी आमा, गायक दुर्गेश थापा, सरोज ओली, योगेश काजी र शाहका म्यानेजर जोशी बसेर छलफल गरी विवाह गर्ने सहमति भएको समेत शाहले बयानमा बताएका छन् ।

‘तपाईं र मेरो सम्बन्ध अरूले थाहा पाए, मलाई गाह्रो भयो, मेरो महिनावारी रोकियो, तपाईंले मलाई स्वीकार्नु पर्छ भन्ने शब्दहरू म्यासेजमा मलाई पठाएकी थिइन्,’ शाहले बयानमा भनेका छन्, ‘पीडित पक्षले मलाई विवाह गर्नुपर्छ भनेकाले मैले पीडितको उमेर पुगेपछि विवाह गरौंला, अहिले उमेर पुगेको छैन भनेको थिएँ ।’

बलात्कार अस्वीकार गरेका पलले ‘गर्लफ्रेन्ड–ब्याइफ्रेन्डबीच हुनु भनेको नर्मल हो’ भन्ने सार्वजनिक अडिओ रेकर्ड आफ्नो भएको स्वीकारेका छन् । प्रहरीले लिएको बयानका क्रममा शाहले बलात्कार घटना कानुनी उपचारमा जान नदिन आर्थिक प्रलोभनदेखि ज्यान लिने धम्कीसम्म दिएको उल्लेख छ। शाहका तर्फबाट म्यानेजर जोशीले उक्त भूमिका खेलेको बयानमा बताएका छन् ।

जोशी सुरूमा मासिक २५ हजार रूपैयाँ तलब लिएर शाहका म्यानेजर बनेका थिए । नाबालिग बलात्कारका घटना मिलाउन भन्दै शाहले दोब्बर तलब, मासिक ५० हजार दिएपछि म्यानेजर बसेको जोशीले बयानमा भनेका छन्। त्यसपछि बलात्कारका घटना मिलाउन आफूले भूमिका खेलेको उनले स्वीकारेका छन् ।

जोशीले नाबालिगलाई कानुनी कारबाहीमा जानबाट रोक्न उनका आफन्तलाई ५० लाख दिनेदेखि गीतसंगीतमा सहयोग गर्ने प्रलोभन दिएको स्वीकारेका छन्। उक्त प्रलोभन अस्वीकार गर्दा पीडितका आफन्तलाई ज्यान मार्ने धम्कीसमेत दिएको पनि उनले स्वीकारेका छन्। उक्त म्यासेज पीडित पक्षले उजुरीमा समावेश गरेका थिए।

‘मैले पीडित नाबालिकालाई तिमीहरू एउटै क्षेत्रमा काम गर्ने हुँदा मिलेर जाऊ, भविष्य राम्रो हुन्छ भन्दा पीडित पक्षले प्रहरीमा उजुरी गर्छु भनेकाले पीडितका आफन्तलाई नाबालिका के गर्छिन्, कसो गर्छिन्, हामीलाई खबर गर, तिमीलाई मैले गीतसंगीतमा सहयोग गर्छु भनेको थिएँ। तर भनेअनुसार काम नगरेकीले निजलाई धम्कीपूर्ण म्यासेज पठाएको थिएँ। निजले पेस गरेको म्यासेज मैले पठाएको हो । मैले पीडितलाई सम्झाउने क्रममा मलाई मान्छे मार्न केहीजस्तो लाग्दै भन्ने शब्दहरू प्रयोग गरेको हुँ,’ जोशीले बयानमा भनेका छन् ।

अभियोग पत्रमा जोशीले पीडितलाई ‘शाहसँग घुम्न जाँदा उनले भनेका सबै कुरा मान्नू, सम्बन्ध राख्नू, विवाह गर्छ, भविष्य राम्रो हुन्छ’ भनी ललाई-फकाई करणी गर्न र करणी गरिसकेपछि कसैलाई नभन्न, प्रहरीमा उजुरी नगर्न दबाव दिएको उल्लेख छ। उनले भिडिओ सुटिङका क्रममा एउटै कोठामा बस्न बाध्य पार्ने लगायत मतियारको काम गरेको अभियोग पनि लागेको छ।

झुटो प्रेमको प्रलोभनमा पारेर पटकपटक बलात्कार गरेको भन्दै पीडित नाबालिगका परिवारले शाहविरूद्ध गत फागुन ११ गते तनहुँ प्रहरीमा र १५ गते नवलपुर प्रहरीमा उजुरी दिएका थिए। उजुरी परेपछि बेपत्ता भएका शाहले फागुन १५ गते तनहुँ प्रहरीमा आत्मसमर्पण गरेका थिए।

जाहेरीमा शाहले पोखरा, तनहुँ, नवलपुर लगायत ठाउँमा बलात्कार र यौन दुर्व्यवहार गरेको आरोप छ। गायिकाले करिब ३ महिनायता गीतसंगीतमा ध्यान दिन नसकेको र यसबारे बुझ्दा घटनाबारे जानकारी पाएको जाहेरीमा उल्लेख छ।

पीडित गायिका र शाहबीच एक गीतको म्युजिक भिडिओ सुटिङमा भेट भएको र त्यही बेला उनीहरूले फेसबुक र फोन नम्बर आदान प्रदान गरेका थिए। त्यसपछि उनीहरूको निरन्तर भेटघाट र संवाद हुन थालेको जाहेरीमा उल्लेख छ।

शाहले माया-प्रेमको बहाना गरी भिडिओ सुटिङ तथा अन्य भेटघाटको क्रम बढाउँदै लगी धेरै नै रेखदेख, हेरचाह गरेजस्तो गर्दै आएको उजुरीमा उल्लेख छ। यस्तै सुटिङ गर्न पोखरा, चितवन, बाग्लुङ, तनहुँ समेतका स्थानमा काम सकेर होटलमा बास बस्दा पटकपटक बलात्कारको प्रयास गरेको उल्लेख छ।

बाग्लुङको गलकोट महोत्सवमा २०७७ चैत ३१ गते शाहसहित दुर्गेश थापा, योगेस काजी, सम्राट चौलागाईं, कृष्ण जोशी र अरू कलाकारसँग एउटै गाडीमा जाँदा पीडित गायिका र शाह एउटै सिटमा बसेका बेला शाहले बालयौन दुर्व्यवहार गरेको पीडित पक्षको आरोप छ।

पोखरामा सुटिङबाट काठमाडौं फर्किने क्रममा तनहुँको दुलेगौंडामा प्रदीप थापाको घरमा बास बसेको र शाहले मदिरापान गरेर मध्यरातमा जबर्जस्ती गरेको जाहेरीमा उल्लेख छ।

यसअघि पोखरास्थित होटल प्राइम, चितवनस्थित गैंडाकोट रिसोर्टमा समेत शाहले पटकपटक बलात्कार गरेको पीडित पक्षले जनाएका छन्। गायिकाको कोठामा दिनहुँ आउजाउ गर्न शाहले कोठा सार्न समेत दबाव दिएको उल्लेख छ।

तनहुँ प्रहरीले पललाई हिरासतमा लिएर २३ दिन लगाएर सोमबार मिसिल जिल्ला सरकारी वकिलको कार्यालय तनहुँमा बुझाएको थियो। बलात्कार मुद्दा हदबन्दीका कारण नवलपुर प्रहरीले भने यसअघि नै मुद्दा दायर गरिसकेको छ।

तनहुँमा थुनछेक बहस सकिएपछि पललाई नवलपुर अदालतमा उपस्थित गराएर थुनछेक बहस गरिने नवलपुरका सरकारी वकिल डालबहादुर नेपालीले बताए । सेतोपाटिबाट

१० अर्बको नयाँ नोट आयो, आम सर्वसाधारणले १४ गतेसम्म साटन पाउने
काठमाडौँ — हरेक बर्ष झै दसैं, तिहार र छठका लागि नेपाल राष्ट्र बैंकले १० अर्ब रुपैयाँ बराबरको नयाँ नोट निकालेको छ । बैंक तथा वित्तीय संस्था, अन्य संघसंस्था र सर्वसाधारणका लागि उक्त नयाँ नोट निकालिएको राष्ट्र...
डलरको भाउ हालसम्मे कै उच्च
अश्विन ९, सुर्खेत । नेपाल राष्ट्र बैंकले सार्वजनिक गरेको विनिमय दर अनुसार आइतबार नेपालीले एक डलर साट्नको लागि १२९ रुपैयाँ ८९ पैसा खर्चिनु पर्ने भएकाे छ । यस्तै, आइतबार खरिददर पनि १२९ रुपैयाँ २९ पैसा कायम...
थप ..
१० अर्बको नयाँ नोट आयो, आम सर्वसाधारणले १४ गतेसम्म साटन पाउने
काठमाडौँ — हरेक बर्ष झै दसैं, तिहार र छठका लागि नेपाल राष्ट्र बैंकले १० अर्ब रुपैयाँ बराबरको नयाँ नोट निकालेको छ । बैंक तथा वित्तीय संस्था, अन्य संघसंस्था र सर्वसाधारणका लागि उक्त नयाँ नोट निकालिएको राष्ट्र...
डलरको भाउ हालसम्मे कै उच्च
अश्विन ९, सुर्खेत । नेपाल राष्ट्र बैंकले सार्वजनिक गरेको विनिमय दर अनुसार आइतबार नेपालीले एक डलर साट्नको लागि १२९ रुपैयाँ ८९ पैसा खर्चिनु पर्ने भएकाे छ । यस्तै, आइतबार खरिददर पनि १२९ रुपैयाँ २९ पैसा कायम...
जनार्दन शर्मामाथि छानबिन गर्न आज संसदीय छानबिन समितिको बैठक बस्दैछ
बजेट निर्माणमा अनाधिकृत व्यक्तिलाई प्रवेश गराएको आरोप लागेका पूर्व अर्थमन्त्री जनार्दन शर्मामाथि छानबिन गर्न बनेको संसदीय छानबिन समितिको बैठक बस्न लागेको हो।बैठकले आज अर्थ मन्त्रालयका सचिव र राजश्व सचिवसँग...
पुरा पढ्नुहोस् ..
मेरो पनि भन्नु छ !
समसामयिक विषयमा तपाइँलाई केही भन्नु छ ? आफना विचार लेख्नुहोस । तपाइँका विचार नेपाल दर्पण प्रकाशन गर्नेछौं ।
Search
Generic filters