सुर्खेतमा लागुऔषधसम्बन्धी अपराध तीन वर्षयतादेखि घट्दो क्रममा

सुर्खेत — सुर्खेतमा पछिल्लो तीन आर्थिक वर्षको तथ्यांकले लागुऔषधसम्बन्धी अपराधको घटनालाइ घटदो क्रममा देखाएको छ । जिल्ला प्रहरी कार्यालय सुर्खेतको त्रिवर्षीय तथ्यांकअनुसार आर्थिक वर्ष ०८०÷०८१ मा मुद्दा दर्ता र पक्राउ संख्या बढी भए पनि त्यसपछि कम हुदै गएको देखिएको छ ।
प्रहरीको तथ्याकं अनुसार आर्थिक वर्ष ०८०÷०८१ मा कुल ७४ वटा लागुऔषधसम्बन्धी मुद्दा दर्ता भएका थिए। सो वर्ष ४ महिला, १०४ पुरुष र १ जना बालक गरी १०९ जना स्वदेशी पक्राउ परेका थिए।

आर्थिक वर्ष २०८१÷०८२ मा मुद्दा दर्ता संख्या बढेर १२३ पुगेको थियो। सो वर्ष १२ महिला, १६९ पुरुष र १ बालक पक्राउ परेका थिए। सोही वर्ष १ जना विदेशी पुरुषसमेत गरेर कुल १८३ जना पक्राउ परेको थिए । यो तथ्याकं तीन वर्षकै बढी हो।

आर्थिक वर्ष २०८२÷०८३ मा भने मुद्दा दर्ता र पक्राउको सख्या एकदमै कम देखिएको छ । यो आर्थिक वर्षमा ४३ मुद्दा दर्ता हुँदा २ महिला र ६८ पुरुष गरी जम्मा ७० जना मात्र पक्राउ परेका छन्।

प्रहरीका अनुसार पछिल्लो वर्ष अपराध घट्नुमा प्रभावकारी अनुगमन, नियमित अपरेशन र समुदाय–आधारित सचेतना कार्यक्रमले महत्त्वपूर्ण भूमिका खेलेको छ। तर, मुद्दा दर्ता कम हुदैमा अपराध ढुक्क भैहाल्ने अवस्था छैन । अपराधको स्वरूप परिवर्तन भएको हुनसक्ने प्रहरीले बताएको छ ।

लागुऔषध नियन्त्रणका प्रयाससँगै प्रहरीले निगरानी थप कडा बनाउने तथा जोखिम क्षेत्रमा विशेष अभियान सञ्चालन गर्ने तयारी गरिरहेको जनाएको छ।