प्रतिनिधिसभा बैठक सत्तापक्ष र प्रतिपक्षको भनाभनपछि स्थगित

काठमाडौं – प्रतिनिधिसभाको बैठक सत्तापक्ष र प्रतिपक्षबीच विवाद भएपछि १५ मिनेटका लागि स्थगित गरिएको छ। बैठक सुरु हुनासाथ विपक्षी सांसदहरूले उभिएर विरोध जनाएपछि सत्तापक्षका सांसदहरू पनि उभिएर प्रतिवाद गरेका थिए।

यसक्रममा दुवै पक्षबीच आरोप-प्रत्यारोप र नाराबाजीसमेत चलेपछि सभामुखले बैठक स्थगित गर्ने निर्णय गरेका हुन्।

यसअघि, प्रतिपक्षी दलहरूले नेपाल विद्युत् प्राधिकरणका कार्यकारी निर्देशक कुलमान घिसिङलाई हटाइएको विषयमा प्रधानमन्त्री केपी शर्मा ओलीको स्पष्टीकरण नआएसम्म बैठक चल्न नदिने अडान राखेका थिए।